مش محتاجين دفى بطاطين وهدوم كتير !! دفى القلوب يا عزيزي هو المطلوب
_ من مفكرتي

ماذا يريد محمد البرادعى..؟! | مقال لــ علاء الأسواني

ماذا يريد محمد البرادعى..؟!.

 

مقال يستحق القراءة …

مصرنا | سلاسل الثورة في المنصورة

كام واحد عارف عن حملة مصرنـــــا  !!!

حركة مصرية شبابية تهدف إلى إنشاء كيان للشباب تتلاقى فيه إرادتهم لنقل مصر التي نريد من حيز الحلم والخيال إلى عالم الواقع والتنفيذ.

مصرنا التي نريد العدل فيها أصل والمساواة فيها جوهر والحرية فيها منطق حياة. مصرنا التي هي مصر الإنسان وكرامته بما يتيح للجميع الحق في الحياة والاعتقاد والتعبير وتكافؤ الفرص والمواطنة الحقّة. مصرنا التي نريد هي مصر النهضة والمعرفة التي يقوم فيها شبابها بتجديد شبابها وطنا غاليا وشعبا أبيا ومستقبلا عظيما. مصرنا التي نريد، تسهم بقدر ما تستفيد من بيئتها ومحيطها الاقليمي والعالمي. مصرنا السيرة والمسيرة والمصير والتي نصر أن يكون غدها أفضل من أمسها.

حركة مصرية شبابية تهدف إلى إنشاء كيان للشباب تتلاقى فيه إرادتهم لنقل مصر التي نريد من حيز الحلم والخيال إلى عالم الواقع والتنفيذ.

الوصف الي فوق انا أخدتة بالنص من الصفحة الرسمية للحركة  حركة لا تهدف إطلاقاً لدعم أي حزب سياسي أو تيار فكري ,, حركة فقط تدعم مصر
وعلشان كدى وكدى بس انا شاركت فيها وأتمنى أدعمها وأشارك في فاعليتها

النهاردة كانت فاعلية سلاسل الثورة في المنصورة  ,,  كتبت اللي نفسة أقولة  على ورق ونزلت أنا وأصحابي علشان نقولة للناس مفيش ولا واحدة من اللي نزلوا كان ليهم أي نشاط سياسي تابع لأي تيار

…..

نازلين علشان نقول أننا بنحب مصر وأننا مش مخربين وأننا مش هنسكت ونقول عاوزين الأستقرار والجرح لسة مفتوح و وارم  !! نزلنا لأن الثورة أدت لينا صوت مسموع
وقفنا في صورة سلسلة سلمية كل واحد نزل علشان عاوز ندي أمل ونطمن الشارع  ونقول للناس أحنا وغرنا مش هنخربها
التعليقات الغريبة اللي سمعناها طول الوقفة  والأسئلة الغريبة من الناس اللي كلها كانت بتاخد نفس النص  ” أنتوا تبع مين ؟ ومين اللي قال ليكوا أعملوا كدى ؟ ” وحتى لما نقول مش تبع حد
ونقول تبع حركة مصرنا الرد يبقى  ” اللي هما تبع 6 أبليس ” !!!  ” المشكلة أنهم مش عارفين أي حاجة لا عن 6 أبريل ولا حركة مصرنا

الواضح تماما أني طول ما كنت قاعدة على تويتر وفيس بوك كنت في حتة برة مصر والحقيقة أن الشارع وصل لحالة قصوى من السخط والنقم على الثورة وكل اللي يجيب سيرتها ,, وكمان متقبلين أي حاجة
تحصل من المجلس العسكري ومش فارق كتير أخوان ولا سلفين ولا حتى كفار قريش أي حاجة وخلاص  أهم حاجة الأستقرار !! ونسيب البلد تولع
المشكلة فعلاً أن مفيش أي نوع من أنواع التوعية السياسية ولا حتى الأجتماعية في الشارع ,, أنا فعلاً أتصدمت وخصوصاً أن دى أول مرة ليا أحتك بالشارع مباشرة كدى

اليوم كان كويس وحسيت ان الساعة دي كفيلة بأنها تعطيني طاقة كبيرة جدا علشان أكمل وأحاول أجتهد دايماً علشان مصر متبقاش مجرد صفقة بتتباع

……

عاوزة أكتب عن إسلام وفارس  *_*  طفلين بنشوف ذيهم كتير في الشوارع بيبيعوا مناديل على الكورنيش  طلبوا مننا أنهم يمسكوا ورق ذينا وفعلا أدناهم الورق
وبالصدفة لقينا العبارات دي هيا اللي وقعت في أديهم  ”  أنــــــا مش بلطجي  ” على فكرة فارس كان لبس هدوم ذي بالظبط اللي بنشوفها على الناس ونقول عليهم بلطجية  ,, وإسلام كانت في عينية نظرة أمل وإصرار جميلة  ” هنبني مصر بإيدينا  ”  ,,,   نفسي بجد يكبروا ويتعلموا ويعرفوا أذاي يجييبوا حقهم ويتعلموا أن ربنا أدنا صوت لازم يعلى للحق
للأسف بعد شوية أبوهم أخدهم بعنف وكان خايف عليهم من وقفتهم كدى ومكنش خايف مثلاً عليهم وهما بيشحتوا من الناس
الثورة قامت علشان الأطفال دول يتعلموا ويعيشوا حياة كريمة ..

…..
أخيراً نفسي بجد الناس تبطل تخون في بعض وتشكك في بعض ويشتغلوا لهدف واحد بس هو مصــــــر  نفسي الكل ينزل ويحكي على أد اية الثورة ممكن تزرع الدنيا ورد لو حبناها وأشتغلنا كلنا على إنجاحها
نفسي نبطل أنانية وتفكير في مكتسابات شخصية وننسى بلدنا وميكنش هم الواحد لا كرسي ولا مال
نفسي مصرنـــــــــــــــــــــــــــــــــــا تبقى أحلى

يومي خلص لكن الثورة مستمرة

صديقتي ..

أحبكِ

…أُحبك لأَنك أَنا
أُحبك لأَنك أُختي
أُحبك لأَنك روحي
أُحبك لأَنك نبضي
أُحبك لأَنكِ صديقتي
أُحبك لأنك سعادتي
أُحبك لأنك هدية ربي
أحبك لأنك شمعه تنِيرِين لي دربِي
أُحبك لأنك صندوق أسرارِي
أُحبك لأنك شفافَه , عفويه , دون زيف , كما انت
أُحبك لأنك دوما بقربي
أُحِبُكِ لِأَنَّكِ تَفْهَمِينِي رَغْم الْمَسَافَات الْبَعِيدَه ,
تفهميني حتى ولو كنا خلف تلك الْشاشات ..
تفهمينِي من طرِيقة كلامي / اسلوبِي / ضحكتي / نبرة صوتي

أحبك لأنك تسمعينِي , تنبِهينِي
أُحبك لأنك تصرخين أَن أخطأْت ,
أحبك لأنك تثقِين بِي ,
أُحبك لأنك تستحقِين الْثقه ..
أُحبك لأنك أنت من علمتني معنى الْصداقه & الْأُخوَه..
أحبك لأَنك صديقه أُحس بلمستك الأمان , و بعيناك الوفاء , و بكلامك الصدق , و بك الْإخلاص

أُحبكِ لأنك من تجعلينِي أبتسم رغم أَنف الْحزن ,
أُحبك لأنك من زدت حلاوة طعم الْحياه
أُحبك لأَنك رائعه , مميزه
أُحبك لأنك هوائي ,

رسالة رائعة من أعز صديقاتي .. أول حاجة فتحتها كانت الرسالة ومش قدرة أوصف سعادتي بيها أنا كمان بحبها جدا

سلاسل الثورة

This slideshow requires JavaScript.

Masrena – مصرنا

حملة سلاسل الثورة 

فكرة رائعة جداً أتمنى الكل يشارك فيها ,,, لانها هتكون عامل مهم في شعور المواطنين بنوع من انواع الأمان وهتعرف الكل أن الثورة هيا ثورة إصلاح وخير لمصر

أنا أخترت كام شعار لو هشارك في السلسة هحب أرفع واحدة منهم  ,,, ربنا يحفظك يا بلادي

يوم في حياة صوبع :)

من أيام الإستفتاء وانا قررت أخوض كل المعارك الإنتخابية اللي بعدة بنفس الصابع حتى إنتخابات إتحاد الطلاب الوحيدة اللي حضرتها في الكلية كانت بنفس ذات الصابع والحمد لله دخلت إنتخابات مجلس
الشعب بيه وربنا يخلية ويكمل المسيرة في باقي الإنتخابات  :)   …  وأوعوا تفتكروا أني هفتن وأقول ليكوا اني اديت صوتي للــــــ    ” أحنا في الصمت الإنتخابي ” في نفس ذات الوقت اللي بيحصل مش إنتخابات قوي

أنا مش هحكي أي حدوتة فيها سياسة هنا ولا هكتب عن رأيي الخارق وتحليلي الفتك عن سير العملية الإنتخابية  :) الحدوتة النهاردة عن صوباعي بس قدام لجنتين
الحكاية الأولى : قدام لجان إتحاد الطلبة وأنا واقفة لقيت بنت جاية عليا كدى فسألتها عن المرشح اللي كان نازل ساعتها وانا عارفة انها في القايمة بتاعتة وبتدعمه ,, بصت كدى ليا من فوق لتحت وردت رد تقيل قوي وبصراحة حسستني أني من نسل أبو لهب ؟! وأنها بس المسلمة الوحيدة .. رد فعلها دى خلاني بكل ثقة أحلف مش هدي صوتي لمرشح الإخوان أبداً  مع أنه ولد محترم جداً وكانت دي أول طوبة في العداوة بيني وبين الإخوان !!  ( بصراحة حالتي وصلت لدرجة أني بسميهم الإخوان بس وعمري ما بقول الأخوان المسلمون ) لأن الإسلام مش بتاعهم بس  … ومش دى الموقف الأول في مواقف حصلت كتير مع ناس من ضمن الجماعة معايا ومع أسرتي على المستوى الشخصي كرهتني في الجماعة من أولهم لأخرهم  …..   الحدوتة التانية رغم إنها بسيطة خالص ويمكن تقولوا دي حدوتة هبلة لكنها أثرت فيا .. أنا ماشية في الشارع النهاردة رايحة اللجنة لقيت بنت بأبتسامة جميلة جداً و وش يفرح بتسأل إن كنا إنتخبنا فقلنا لها لا لسة هنروح فسألتنا على اللجنة وأنا بصراحة نسيت لجنتي خالص إبتسمت وساعدتني وجابت لينا اللجنة بتاعتنا بدون ما تقول أدوا صوتكم لمين … كان كلامها كلة أننا لازم ندي صوتنا للي هيخدم وأن صوتنا دى أمانة لمصر وأنــــــا بصراحة مستنية تقول إخوان بس وأنا هطلع عفريتي عليها .. وفعلاً مقلتش لينا حاجة خالص وكانت بشوشة جدا رغم إنها منهم !!!
تعرفوا أن تعامل البنت دى غير 50% من صورتهم السودة اللي في بالي !!  ( يمكن أنا طيبة وبيضحك عليا بكلمتين  ) بس هو دى اللي حصل

الزتونة بتاعة الموضوع كالتالــــــــي   :    الإخوان المسلمون مش وحشين وإن كان تعاملهم غليظ شوية ومش عارفين يلموا كلامهم وكمان الوفد وغيرهم مش فلول ويا سيدي السلفين على راسي والكتلة مفيش أحسن من كدى كل الأحزاب كويسة لو كانت فعلاً ناوية تبني مصر بس لية النوايا بتاعة الإحزاب دي دايماً مشكك فيها لأننا ببساطة اللي عملنا في نفسنا كدى ! أحنا اللي نزعنا الثقة من كل الناس وكل الطوايف وبدل ما نصلح عيوب بعض بنخون بعض وندور على العيب فين نحط إيدينا علية   ,,,   وبقت مشكلة الإخوان إنهم متسلقين وهمهم السلطة ؟ هات ليا حزب واحد مش هيموت على الكرسي ؟؟  …  إحنا شعب غريب قوي تدخل على النت تلاقي الكل بيشتم في الأحزاب الإسلامية تبص على التلفزيون تلاقي فوبيا ضدهم وبعد دى كله تلاقي إكتساح للنفس الأحزاب ! وكأن الناس بتتكلم في الهند والإنتخابات بتتعمل في هاواي ؟! ولأغرب أن الناس خايفة من الحكم الإسلامي في نفس الوقت اللي بيوصف بية أهلها بالمتدينون  ||  ونرجع نقول أصل دى ناشأ عن جهل وفقر ؟! إية دى بقى هو جهل وفقر ولا زيادة دين  ….  مش عارفة بس حاسة أننا اللي عملنا اللعنة دي بنفسنا لدرجة أن الواحد بقى شاكك في صوباعه إنتخب ولا بيستهبل وملون نفسة ؟
في مرشح في دايرتنا الكل بيقول علية كويس من أول دكاترة الجامعة لغاية أعضاء في الحزب المنافس له .. دى حتى خالي اللي مش بيطيق الحزب بتاعة قال ليا أنا هدي صوتة له .. واللي متأكدة منه أن الراجل دى هيفوز بأكتساح لأنه راجل محترم وخدوم وعارف أذاي ياخد بمصر لفوق   …   شفتوا بقى الناس أذاي أدته صوتها رغم أنه في حزب بيتشم فيه الطلعة والنزلة  …  يعني كل اللي نفسي فية نبطل نبرة انا الصح والباقي عملاء وخونة   ,,,  معرفش كل الناس اللي في لعبة المجلس المفروض هدفها واحد ومع ذلك بتصمم بغباء تمشي في سكك مختلفة مع أن الطريق الواحد أقرب    ,,,,,    نفسي أمشي وأصرخ وأقول أن مصر دي مش بلد حد بعينة مصر حضن كبير كلنا مرمين فية وبدل ما نقطع فيه ناخده احنا كمان بالحضن

* لو لحظت ان الزتونة طولت شوية معلش بقى هم كلمتين و وسعوا مني  انت لمهم بدماغك بقى

صابعي أهو مبتسم للحياة  والصابع اللي ورا صابعي  سيبك منه لأنه مندس

مطلوب تعليق !!

………………………………………………..

أختي مصممة أكتب لها كلمة عن الصورة دي بصراحة مش عارفة أقول لها إية ,,, وروني إبداعاتكم كدى

20 ♥ 11

…………………………………..

سامعة ناس بتقول ليكي روحي يلا وبيكسروا وراكي قلة باين !!! أنتي أكتر سنة حبتها … سيبك أنتي ولا يهمك …
2011
من أول دقايق فيها وأقدار الناس وأحوالهم اتغيرت وكأن السنة دي بالذات كانت سنة الإنقلاب العالمي  .. حتى على مستوى الأشخاص متأكدة أن مفيش حد دنيتة  مش أتقلبت في السنة دي
2011
ولا عارفه ليكي أسم .. من عام الحق لعام الشهيد ولعام الثورات وهات يا أسماء بس أنا بحب أسميكي  ” سنة الفرج “
2011
سنة الفرج مش بس على الشعوب بالأخص عليا لان ربنا فرج عليا فيها  وأتخرجت
2011
السنة الوحيدة اللي هنفضل نقول في 2011  حصل كذا لخمسين سنة قدام
2011
بطلت أخاف فيكي من أي حاجة وكل حاجة  وحليت فيكي حبة عقد
2011
أنتي عارفة كام واحد مات فيكي !! علشان بس كان بيقول الحق ؟
2011
ناس كتير جدا بانوا على حقيقتهم من أول دقيقة فيكي و كشفتي ليا ناس كتير قوي
2011
أنا مش مؤمنة إطلاقاً بالأبراج بس كانوا بيقولوا ليا أني هحب فيكي من ساسي لراسي ومحصلش !! فممكن تبعتيلي واحد لــ 2012 حتى لو صلحيتوا خلصت
2011
عوزاكي بقى وأنتي ماشية توصي السنة الجديدة على مصر جامد وتقولي لها خلي بالك منها دي مصر دي غالية
2011
كدى بقى أنا كتبتك 11 مرة في التدوينة دي مع السلامة بقى وزوقي عجلك ولو ينفع بقولك خدي في أيديك النظام اللي قعدنا نقول طول السنة يسقط وأتاريه مسقطش !!!!
وأنتي ماشية برضة خدي المحروس وعيالة من طرة أصل وشهم وحش علينا !! ولا أقولك خليكي ماشية خفيفة إحنا هنخلص عليهم

أنا كل سنة بعمل حاجة مجنونة في أخرها والسنة دي بالذات ناوية أعمل لماما وأغني ” أنا أبريق الشاي ”  لاني بحبها قوي وعاوزة أعيش معاها طول السنين ولأنك زعلتيها شوية فقلت أضحكها شوية قبل ما تمشي
أنا بحبك قوي بس نفسي متتكرريش تاني مش لأنك وحشة بس لأن فيكي مات شهداء كتير … يارب أجعل كل الأعوام خير
كل سنة وأنتوا طيبين يا مصريين

 

 

أنس حسن يكتب: ثــورة نبي الله موسـى بين وقائـع التاريخ وإسقاطات الواقع | الموجز

أنس حسن يكتب: ثــورة نبي الله موسـى بين وقائـع التاريخ وإسقاطات الواقع | الموجز.

ملهمتي | أم الثورة اليمنية

:توكل كرمان – سألها الصحافيون مستغربين : (إن لباسها لا يعكس مدى ثقافتها ودراستها..ظناً منهم أن الحجاب رمز تخلف ورجعية)  فأجابتهم

“إن الإنسان في العصور الأولى كان شبه عاريا ، ومع تطور فكره عبر الزمن بدأ يرتدي الثياب،وما أنا عليه اليوم وما أرتديه هو قمة الفكر والرقي الذي وصل إليه الإنسان عبر العصور وليس تخلفا أما العري فهو علامة التخلف والرجوع بفكر الإنسان إلى العصور الأولى”

…………

توكل كرمان  أصبحت بطلتي هذة الأيام ليس فقط لحصولها على جائزة نوبل  لكن لأنها إثبات غير قابل للنقاش ومثال رفيع جداً لسيدة مسلمة لم تكتفي فقط بالمشاهدة أو حتى إنقطعت في المنزل بحجة تربية جيل جديد   ,, توكل كرمان بحق مثل أعلى يجب أن يقدم لفتيات العالم الإسلامي التي أصبحت كلمه الحرية لديهن لا تحمل مرادف واضح .. فمن الحرية = التعبير بطلاقة إلى مرادف أخر أكثر غرابة في مجتمعنا الإسلامي المحافظ …… لا أريد حتى ذكر المعنى الأخر للحرية والذي تمثل في تعري للجسد والأفكار  لكننا أصبحنا نعيش واقع تمثل فيه المراة كأداه بمعني قبيح جداً

بكل ما أملك أدعو دائماَ للتعري لكن من كل تللك الأفكار التي تحجم من إمكانيات مثيلاتي في الجنس ,,, التعري من تلك الأفكار التي تضع البنت في مراحل ثابتة وأماكن معروفة مسبقاً فمن فتاة لا ينظر أبداً لها بعين المساوة مع إخوتها الذكور في المنزل إلى مراهقة يجب الحفاظ على سمعتها مهما كلف الأمر إلى زوجة لا تغادر المنزل إلا بأذن زوجها وهكذا تظل تنتقل من محل للأخر لكن دائماً يظل موقعها الإعرابي مفعول به فقط

أنا لا أنكر ضرورة وجود رقابة من قبل رجل ولن  أقلل من شأن وجود أب وأخ وزوج في حياة كل إمراه لكني أدعوهم لأن يضعوها في منزلة فكريه  مساوية تماماً لهم … من حقى أن أختار وأناقش وأبدع
لماذا تعتبر توكل كرمان هيا الأقرب لي ؟ ,,, لأني أشعر بفخر عندما أرى سيدة مسلمة عربية تستطيع أن تصنع التاريخ وتغير مسار شعبها توكل كرمان أو ”  أم الثورة اليمنية  ” إستطاعت ذلك  …. تأتي كرمان لتعلنها كصدمه لكل من نادي بعري المرأة تعبيراً على إستقلالها فكرياً وإجتماعياً  وتزهوا كملكه وكأنها بلقيس في ساحات قصور فرنسا التي حاربت لسنوات الحجاب

بصراحة لا أجد الكثير لأقولة لكن ما كتبته وإن كان غير منظم ما هو إلا كلمات دائماً ما أقولها حين أرى صورة ملهمتي تزهو بحجابها ودينها أمام العالم أجمع .. تحية لكي

أعذار

نخلق الأعذار لنبكي !!

و كأن الدموع مراهم لحروق صنعناها بأيدينا

نبكي لنشعر بدفء لم يعطيه لنا من نحب

وكأننا نريد أن نشعر بأدميه شيئا فينا

نحمل ذنوبا لأخطاء لم نرتكبها و نخفي عيوبا ليست فينا

حتى إننا نستعير هموم الأخرين لنخفي أحزاننا

وحين يزداد ماء العيون تجف قلوبنا

و نتذكر فلا نجد سعاده بين ايامنا

لا نجد أشخاص في مذكرتنا كتبنا عنهم و رغم أنهم كثيرون حولنا إلا أنك قليلا ما تجد ما يستحق دخول مذكراتك

تجد فيما بعد أنك قضيت كثيرا من عمرك ظننت فيها أنك سعيدا

ستبكي حينها ولن تجد من يواسيك وستختلق عذرا لأخرين لتعتقد أنهم بجوارك

هكذ هيا الحياة حين تخرج عن مسارات نريدها إما نقبل بها أو نختلق الأعذار لنعيدها كما نعتقد أنها على ما يرام

صورة تتحدث بنفسها

الجرافيتي دى موجود على جدار جامعة المنصورة معبر جدا ,,, يارب حريتي وبلادي ,, تسلم إيد الرسام

قصة لم تحدث بالفعل !

قطار وأمطار تسقط من السماء بغزارة .. وحين يسير القطار تحت المطر تصطدم تلك القطرات به لتسيل على النافذة بجواري

أحاول أنا أبعدها لكنها تبعد عني بمقدار لوح زجاجي

تبداء هيا بتشكيل منظر خارجي على النافذة يحجب عني الكثير من الخارج

لا أحد بجواري في القطار

سوى رجل في نهاية الطرقة لم أرى ملامحة هو أيضا بسبب تلك الجريدة في يدة

زجاج النافذة وأوراق الجريدة كلاهما يزيد فضولي لوجه الرجل و ما يوجد بخارج القطار

لا أطيق الأنتظار … أتخيل كيف سيكون االجو بالخارج أحاول أن أكمل بمخيلتي سهول وجبال وأشجار وأستمر لأتخيل وجه الرجل أعتقد أنه لا يمتلك شاربا ! ثم أبتسم وما دخلني في ذلك !! ربما يعمل في المحاماه أعتقد أنه رجل بورصة

أممممممم بدأت أمل من جلوسي بلا شئ أفعله

الأمطار تزداد في السقوط ومزال الوقت باكرا على الوصول

أخجل من بداء محادثه مع رجل لا أعرفه … قررت أن أتجول في القطار وبدأت أمشي لنهايه الطرقة بإتجاه الرجل و كأن فضولي هو من رمى فكرة التجول في عقلي ليرضي نفسه

مررت بجواره دون أن يتحرك وبالتالي لم أرى ملامحه !! ألقي نظرة من نافذه باب العربة للعربة المجاورة لا أحد

……..

أعود لمقعدي أنتظر دون شئ أفعله سوى النظر للرجل

أنزل للمحطة ولأرضي فضولي في اللحظة الأخيرة أركض خلف الرجل وأحاول أن أرى وجهه …

أستطيع أن أراه … لكن ..

………………………………………………………………….

قد تفهم ماذا أريد أن أقول فقط لو خرجت من القصة بدون تلك المرادفات  ” قطار , رجل , مطر ,محطة ” .. حاول أن تخبرني ماذا فهمت من كلاماتي

سأكون يوماً

سأكف يوما عن البكاء وأبتسم

يوما سأحصل على أمنياتي كلها..

سأحصل على وروداً وأزهار في دربي ,, وسيختفى ذلك اللون الأسود من حياتي

سأحصل على صحبة لا تغدر وحبيب لا يهجر وسماء صافية وشموس ساطعة

سأكون يوما أميرة في مملكة من أناسا لا يكذبون .. هكذا يوما سأكون

وبحبك ليه ؟

سألت مجموعة من إصحابي على الفيس بوك ” هو أنـــا بحبكم ليه  ؟ ” بس كدى  :) شوفوا كتبوا إيه وتعالو نكمل

عينة بسيطة جداً من “خفة” دم الحلوين وطبعاً كلهم ميعرفش لية ؟ هو الطبيعي ميعرفوش لية ,,, بصراحة أنا متأكده أنهم ميعرفوش وعمرهم ما هيعرفوا طول ما إحنا إصحاب وبنحب بعض
وهو دى المطلوب منعرفش لية  ,,, ولو عرفنا لية هتبقى مصلحه
عموماً المفروض دايماً منعرفش لية بنحب ونتحب ……. أخيراً بحبكم  كدى وخلاص … حد عارف بقى بحبة لية ؟