يومين من أسبوع

النهاردة هو أخر يوم من الأسبوع الأول في الأجازة ,,,, مع أن اليومين اللي في الأول كانوا مملين بس يوم الأثنين والأربعاء كانوا الأفضل بين أيام الأسبوع  لية ؟؟؟

يوم الأثنين طلعت رحلة مع القسم بتاعي لمعرض الـــ

ICT

وكانت دي أول مرة أروح فيها رحلة مش الغرض الأول منها الترفيهة  … في الباص حسيت أني في سكشن مجمع للأتصالات كان الباص كلة دفعتنا تقريبا .. وكان معايا أصحابي رنا وإيمان ونورهان وريهام وبنات من القسم كمان نعرفهم فكنا شلة كدى مع بعض …. والموضوع سخن وباقى جامد قوي في الأخر لما لعبنا أنا والبنات لعبة بدون كلام وطبعا أنا وفريقي اللي فزنا بفارق خمس نقاط

🙂   🙂

أما من ناحية المعرض فكان منظم جدا وبجد حاجة جميلة قوي وبالرغم من أني حسيت بالملل في أولة لكن كان ممتع جدا في أخر ساعة منة لما أكتشفت أنا ورنا الجزء الخاص بالشركات المصرية … عجبني جدا الجزء الخاص بشركة فودافون وكمان شاشة العرض اللي بتلف 180 درجة   🙂

أكتر حاجة عجبتني في المعرض هيا الشاشات بجد كانت أشكال وأنواع وأحجام … حاجة ممتعة جدا

أما بقى عن يوم الأربعاء …. معرض الكتاب وكمان دي أول مرة أزور فيها المعرض …. لفينا كتير جدا لدرجة أني أنا وإيمان ورنا كنا بنشد بعض .. رحت سور الأزبكية وأشتريت كتاب عن ال

electronic circuits

ودخلنا مكاتب كتير كانت هناك العبيكان والشروق وجرير …. وطبعا عجبتني جدا العبيكان وخصوصا انها المفضلة عندي من أيام السعودية … وعجبني جدا المعرض اللي أقامتة السعودية وأنا فيه حسيت بأيام زمان والمعارض اللي كنا بنزورها وكنت سعيدة جدا وأنا بسمع اللهجة السعودي اللي من زمان مسمعتهاش

هو أنا مسترتش إلا 6 كتب بس أنا سعيدة جدا بزيارة المعرض وأكيد المرة الجاية هشتري أكتر وكان معانا المرة دي اية ونورة من زمايلي

بس هقولكم موقف حصل وأنا في سور الأزبكية كنت بحاسب على تمن كتاب وبعدين أكتشفت أن فلوسي ناقصة ودورت كتير .. وأعتقدت أن ماما نست تحط الفلوس في محفظتي بس رنا كملت ليا فلوسالكتاب بعد مارجعت لقيت الفلوس في الجيب بتاع الشنطة وأنا مسفتهاش …. لأن ببساطة رنا ملت الجيب لب  🙂 فلما فتحت الجيب مختش بالي من الفلوس

😦  🙂

كانوا بجد يومين ممتعين جدا …. بس قبل ما أنسى في كل يوم كنا بروح مكان في الأخر للترفية

رحت سيتي ستار في اليوم الاول وكان ممتع لولا أننا مكناش قدرين نمشى وفي اليوم التاني رحنا الحسين وبجد كانت فسحة جميلة جدا وفي المرة دي كنت أول مرة أدخل الجامع … الجو كان جميل جدا …. يعني بيحسسك بأنك في مصر …

الجميل أني أنا ورنا نقشنا بالحناء هناك وطلعت لونها أسود بس حلوة … خلص اليوم لكني طلعت بذكريات لا تنسسى أبدا وكنت سعيدة جدا جدا

طبعا الضفدع اللي فوق كان بطل صور سيتي ستار كلها    🙂  شكلة يجنن كلنا أتصورنا معاه كأنة شخصية هامة

وعملنا شوية خدع بصرية مع عمو اللي قاعد في الصورة  🙂

نقول أية بقى هبل مهندسين ….. وبس

Advertisements

2 thoughts on “يومين من أسبوع

  1. الحقيقة كانوا يومين حلوين ماشاء الله
    والاحسن منهم كمان يوم المهندس المصري
    وان شاء الله هتطلعي معانا السنة دي يا سلمتي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s