الدنيا … عرايس ومسرح بس

تمام كدى … أصل أحنا في الدنيا دي عاملين ذي العرايس بنتحرك بالخيوط من فوق أيد بترفعنا والتانية بتنزلنا ونروح ونيجي وحتى مبنقدرش في أوقات كتير نقول براحة شوية أصل أنا مش قادر أكمل … 🙂  هو صحيح مش للدرجة دي بس في ناس كتير بتمشي على مسرح الدنيا وهيا متعلقة بخيوط  … ومع أننا في أوقات كتير مش بنشوف الخيوط وبنفتكر أننا ماشين بحريتنا .. إلا أننا لو جربنا نبعد بنلاقي اللي بيشد الخيط …   أهي شدةً الخيط دي هيا اللي بنسميها (قرصة ودن) 🙂  وبنرجع على طول نمشي تاني ونتحرك ولا كأننا ( متعلقين ) في حبال الدنيا .. ولا كأننا سمحنا للظروف والناس تحركنا .. وفي ناس كتير قوي بتحب تتعلق وتريح نفسها … أهو أسمها عايشة … وفي ناس في أقرب فرصة بتقطع الخيوط اللي أتعلقت بيها زمن وتتطلع تجري على المسرح … ممكن تقع وتقوم تاني ,,,, وممكن تكون أخر مرة تقع فيها … بس في كل الأحوال جربت تجري وتحرك أيديها فوق وتحت وتلف وتطير من غير ما أحد يمسكها …عرفت بعد ما كسرت كل خيوط الواقع والناس والظروف وعرفت من نفسها تقول هيا (لية) و هيا ( أية) ……….. على كل الأحوال لو لسة عروسة مسرح حاول تدول على أقرب مقص ولو ملقتش مش مشكلة … أقرضها ذي الفار بس خلي باللك العرض مش مستمر كتير والستاره هتنزل هتنزل ,, ألحق علشان تعيش !!  🙂 سلمى

,,, بقلمي

Advertisements

4 thoughts on “الدنيا … عرايس ومسرح بس

  1. bgd el notes bta3tk de ya salma gamdaaaaa gdan …3agbny tre2tk fel t3beer 3n el 7ayah awee w fe3lan kol tshbehatk 7elwa w sa7 awee 🙂
    tslamy ya salma w mstanya ebda3at zy de kteer ya 7opy (K)

  2. جميله قوووووووووووووووووووي وصفك للدنيا
    بس مش شايفه انك مبالغه حبتين
    كان عندي سؤال؟؟؟
    ازاي اقطع الحبال اعمل ايه يعني ممكن اعتقد اني قطعتها بس تكون لسه موجوده؟؟؟

    • دى أحساسي بس ….ومش عارفة حاسة أنك لو فكرتي هتلاقيها كدى ؟؟؟
      والله أنا كمان نفسي أقطع الحبال … وبحاول … بس شعورك بالحرية في الحياة وأنطلقات النجاح عمرها ما تكون وهم أبدا
      لو أتخلصتي من الحبال عمره ما هيكون وهم

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s