الريموت مع مين

كل حاجة بتطول معايا بالذات بتبقى مملة جدا جدا …. عارفين أية اللي طولت .. الأجازة طبعاَ   🙂 🙂  …

يمكن طول الدراسة و المحاضرات والكلية  بترتب اليوم لوحدها وبكون عارفة هعمل أية طول النهار … أما في الأجازة فحدث ولا حرج الريموت هو المنظم الأول لمواعيد الأجازة …. طبعاً طول ما أنا في البيت و أنا وأخواتي في مفوضات وحوارات الريموت مع مين  🙂 … على أساس أن صاحب الريموت هو المسيطر الأول في الصالة 🙂 …. أنا أساساً مش متابعة لأي مسلسل من المسلسلات الكتير قوي – والحمد لله-  من كتر ما أنا زهقانة اليومين دول مش بتفرج على حاجة مدتها أكتر من نص ساعة … والأهم مش مسلسلة لأني بصراحة بنسي أية اللي حصل في الحلقة بتاعة أمبارح .. وأفضل أسأل هو أية اللي حصل ودي مين و هيا أية الحكاية لغاية ما كل العيلة تستسلم وتغير القناة وتجيب ليا ( بسنت ودياسطي مثلاً ) حاجة خفيفة كدى مش عاوزة تركيز خالص 🙂 ..  أنا كنت ناوية متفرجش على مسلسلات خالص في رمضان والحمد لله حصل فعلاً …

بمناسبة الكلام بقى برنامج خواطر السنة دي بجد رائع وكمان مذكرات سائح وطبعاً برنامج الدكتور:عمرو خالد ياريت تتبعوها بجد شئ رائع جدا

اللي لفت نظري جدا أن كل المسلسلات والبرامج عاملة لنفسها لوجو خاص لها وفيها أفكار عجبتني جداَ .. والتتر بيكون على درجة عالية من الجرافك والتصميم المميز اللي يشد أي متفرج .. كمان المسلسلات الكرتون ثلاثية الأبعاد أخدت مساحة كبيرة بين المعروض على التلفزيون .. مع أن من وجهة نظري فيها كام مسلسل ملهمش  فكرة ولا هدف بالأضافة لأهم شئ مملة جداَ مجرد حركة وحجات بتتنطط 🙂 وأغاني غريبة .. كأن الناس مش لاقية حاجة تتذاع  :)…

يااااااااااه رمضان عدى بسرعة جداً بحس أنه أسرع شهر بيمر بين شهور السنة كلها .. يمكن لأنه قريب من القلب و لأنك بتحس بنوع من سمو الروح فية وأنت بتجاهد نفسك مش بالصيام عن الأكل بس دى كمان من أي عادة سيئة علشان كدى هو أنسب شهر للتغير … يارب يتقبل من صيامنا وقيامنا ويجعلنا ممن أعتقوا من النار ..

يلا هقوم بقى أشوف الريموت مع مين 🙂 🙂

Advertisements

2 thoughts on “الريموت مع مين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s