توقيت عربي

عجبني جداً مصطلح التوقيت العربي .. طبعاً دى مش توقيت عالمي مثلاً  🙂  ولا معناها في الميعاد المظبوط .. أو حتى توحي بالألتزام بالمواعيد … لا أطلاقاً ..  للأسف معناها أعمل زيادة على الميعاد ساعة كدى يمكن  .. يعني لو ميعادي معاك الساعة 4 بالتوقيت العربي هتكون 5 أو 5:30 مثلاً  🙂 مع أن العرب والمسلمين كانوا من أوائل من أهتم بالتوقيت وأخترعوا أدوات تعينهم على تحديد الوقت بدقة .. ومع أن دينا جعل معرفة الوقت فرض كفاية وان صلواتنا وجميع عبادتنا لها أوقات محددة … ومع كل دة في مصطلح التوقيت العربي ….

رسول الله صلى الله علية وسلم أعطى مرة ميعاد لرجل وفي الوقت المححد ذهب الرسول للكريم لموافة وعدة وأنتظر رسولنا الكريم الرجل مدة طويلة جداَ .. و لم يمل رسولنا الأنتظار … لكن الرجل تأخر كثيرا … ولما قابل الرسول ليعتذر لة … قال لة رسولنا لو أنك جئت أو أرسلت من يعتذر عنك لما تحملت كل هذة المشقة … ألتزم رسولنا بالميعاد رغم أن الطرف الأخر لم يكن بقدر كلمتة..

أعتقد أن مواعدة أحد في وقت معين … تعني أنك قطعت عهد يجب أن توفي بة .. أو أن تتذر قبل الموعد بمدة كافية …

المشكلة ليست مشكلة أفراد فقط بل مؤسسات وللأسف كلها في بلدي 😦 …  نفتقد لمعنى الوقت .. مجرد عقارب بتجري وراء بعض 🙂 أو حتى ساعة شكلها حلو في أيدك ..بصراحة  سببين جعلوني أكتب هذة السطور :

الأول : أن الراجل اللي بيصلح التلاجة بتاعتنا  🙂 🙂  عدي على الميعاد بتاعة أكتر من 24 ساعة  🙂  يعني أنا معرفش الميعاد  كان على أي توقيت بالظبط  🙂

ثانياَ : أن في الصالة بتاعتنا 3 ساعات ولا واحدة منهم بتشتغل  🙂 كلهم وقفوا مرة واحدة  … فجأة كدى ..  🙂

وطبعاَ لأني من أكثر الناس معاناة لعدم ألتزام الناس بمواعيدهم ..  _  الحمد لله التوقيت بتاعي مش عربي أبداَ  _   🙂  الصورة اللي في البوست لفتت نظري جدا لان لو الساعات أصبح مكانها عقولنا بدل أدينا هنلتزم أكتر …

أقوم بقى أشغل الساعات وأشوف حد يصلح التلاجة

🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s