ما تيجي نتحاور ؟

كلمة حوار في العالم العربي تعني ” زعيق ” وتقاذف بالكلامات و أحياناً بكل ما تستتطيع أن تمسكه بيديك ,,, كلمة حوار تعني أن أنا صح والطرف التاني مع نفسة ومش بس كدى دى لازم في نهاية الحوار يبقى كلا الطرفين على رأي واحد وفي الغالب مع الصوت الأعلـــــــى

الأمثلة لا تحصى عن حورات العرب وأتوقع اجملها نشاهدة في مجلس الشعب وحتى في قمم الجامعة العربية ” وطبعاً بطلها في الغالب القذافي ” _ سود الله وجهه _ المهم ما علينا ,,,, لية بقى بقول الكلام دى النهاردة ؟؟؟؟

اليومين دول يومين الكلام والحورات التي لا تنتهي ,,, وكل المصرين بلا أستسناء شطار في الكلام والحورات ,,, وأنا بصراحة معنديش أدنى مانع من الحوار بالعكس الحوار أرض لتبادل الأفكار والحوار الهادف بيبني كتير وبيسابق بينا الزمن

المشكلة لما يكون الحوار بين الطرفين التاليين _ مؤيد للثورة بكل مطالبها  وأخر يبكى على أطلال من سبقوا ويرى أن الثورة ” خيبة أمل” أو حتى يؤيد الثورة لكنة لسة للأسف بيحب الريس قوى ومقطعة معاه فرقتة ويا عيني صعبان علية كم الأنجازات الرهيب اللي كانت في عهد سيادته وإحنا علشان شعب ناكر للجميل نسناه ,, او حتى بنجيب الوحش بس

مع إني مستغربة قوي من الفريق التاني اللي المفروض يكون فاق بس يلا معلش نسامحهم ومعنديش مانع أحاورهم بس لما أقولك دي قائمة مفاسد الرئيس ودي العمايل السودة بتاعة عصابتة تقولي أمال فين الحلو !!!! طب ما تقول أنتى الحلو ,,, الجميل بقى ان الناس دى عارفة ان الوضع كان مأساوي للغاية وأحياناً كلامهم بيتضارب مع بعض وأن أكتر كلامهم أتبنى على شهود وكلام التلفزيون المصري والصحف والاخبار الحكومية ومفكروش مرة يبصوا بره خطوتين وحتى لو بصوا مصممين إن اللي كتب الكلام دى ليس مصرياً وأنة مثير للفتن

وهما هماهم لو في أخر الحوار مقلتش انا اسف ياريس !! يقولوا عليك انت مش متحضر ولا تجيد لغة الحوار وهو دى مستقبل مصر الجديدة !!! طب أنت مالك أنا مبحش الحكم السابق ولا ريسة ,,,عادي يعني ما أنا كمان مش بحب البطيخ !! أشمعنا دي كمان بقى ؟؟؟

كان نفسي اوريكوا الحورات بتاعتي معاهم على الفيس والتويتر بس قلت الطيب احسن  🙂 ,, وأنا بحترمهم جداً وأكيد بحترم الرئيس السابق 🙂 حسني مبارك بس مبحبوش وكدى يبقى قمة العدل ومحدش غلط في حد !!! خلاص كدى أنا أكتفيت من فضفتي

بس قبل ما أختم علشان نعيش في ” مصر الجديدة قووووي ” لازم قبل ما نعلم العبادة للولدنا نعلمهم أذاي يتحوروا وأذاي يبتسموا في وجوه مخالفيهم الرأي ,, ربنا عزوجل سلاطنة قال لنبينا في قرأنة الكريم ” لَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ ”   ونعلمهم أن الحوار لازم يبقى بحجة وبيان وتعاطفك مع قضية يبقى هو مش  الحل والأساس في الحوار بس

أنا عارفة ان ممكن يكون كل أراي غلط ومتخلفة كمان ,,, بس كمان متأكدة أنك لو حسبت نفس الشعور من إتجاهك وكان عندك شوية أعتراف بأنك ممكن تخطئ  هنتحاور بصورة أفضل ,, أنا دايماً بحب افتكر قول الإمام الشافعي  “ما جادلت احدا الا وودت ان يظهر الله الحجة على لسانه”  لما يشتد الحوار ساعتها بطلب من الله أن يظهر لي الحق حتى لو كان على لشان نظيري

 

دمتم في حرية ودامت مصر مرفوعة عالياً

Advertisements

2 thoughts on “ما تيجي نتحاور ؟

  1. السلام عليكم
    اولا يا سمسم شكرا على الموضوع المهم
    وجميل انك مستعده للحوار
    انا متفقه معاكى تماما ان مش معنى اننا مختلفين فى الرأى نبقى اعداء او مش نسمع لبعض
    لان دا للاسف سبب التخلف الموجود فى مصر وزى ما قولتى فى دول كتير
    بس خدى بالك اننا برده لسه مش قادرين نفعل اقتناعنا بحريه الرأى بشكل كافى
    لان انا فهمت من اسلوبك شبه تريقه على المؤيدين للرئيس الراحل 🙂
    ودا لانك مقتنعه تماما برأيك
    و هما عندهم نفس الشعور لانهم مقتنعين تماما برئيهم
    انا بحاول اخرج من الموضوع ده بأن نرجع الحاجه لاصلها بالاقناع
    الاصل اعتقد ان احنا نقول الحلو و الوحش فى الانسان اللى بنقول رأينا فيه لو الموضوع هو ابداء رأى فقط
    انما اننا نقول على السلبيات فقط لاننا عاوزين نحصرها ونعالجها
    مش معنى كده اننا مش عارفين او ناكرين اللى عمله لكن دا مش وقت ابداء آراء ..دا وقت معالجه سلبيات للنهوض بمستقبلنا

    وطبعا لازم يكون الجدال او الحوار بأسلوب راقى والا عدمه يكون افضل
    ودا طبقا لتعاليم دينا و طبقا للعقليه المتفتحه
    وجزاك الله خيرا على الاستشهاد بالقرآن الكريم

    هكتفى بكده ومنتظره تعليقك 🙂

  2. أنا مش بتريق بس أنا عندي شعور بالأستفزاز من الناس اللي كل اللي بيحصل دى حوليهم ويكون ردة فعلهم أحسن تستاهلوا مكنا كويسين
    وأحنا في الحقيقة مكناش كدى

    كمان أنا متفقة معاكي بدل ما نجيب في الحلو والوحش ,,, وكمان الحلو معدش له لازمة نقولة لانة ببساطة لا هيغير وكل اللي هيجيبة جدال مش حوار

    أحنا فعلا بحاجة لعلاج السلبيات بأقصى سرعة ممكنة ونحافظ على الأجابيات ونطورها

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s