يا عم قول شكراً

موضوع إحترام الناس لبعضها أكيد مش مرتبط بثورة أو بغيره بس بما أننا بنجدد ,,, وبما أنــــي بحلم بمصر الجديدة قوي خلينا نتكلم شوية

حضرتك هتركب التاكسي وأنت نازل هتقولة شكراً ( بس أوعى تنسى تدية الأجرة )  🙂 ,,, وأنت بتشتري من أي محل متخدش الحاجة وتطلع على طول قول شكراً ,,,( متخفش مش هغصب عليك و أقولك أبتسم 🙂 مع شكراً ) .. بس شكراً كفاية وممكن تقول جزاك الله خيراً ,,,,, لما تدخل المحاضرة وحد يوسع ليك مكان علشان تقعد لازم تقولة شكراً ( بس بصوت خفيف علشان متكملوش باقي المحاضرة برة  أنتوا الأتنين  🙂  )  لما أختك أو أخوك يصحيك الصبح علشان سيادتك راحت عليك نومة متنساش تقول شكراً علشان أنت متأخـــــــــــــــر !!! لما أمك تدعيلك دعوة الصبحية الحلوة لازم لازم تقولها شكراً ,,,,,, أممممممممممممم !!!! لازم تقول شكراً في أي وقت ولأي حد أسدى ليك خدمة مهما كانت هيا صغيرة ولا كبيرة  والأهم انك متقللش من قدر أي خدمة وتقول بسيطة

لية لازم نقـــــــــــــــــول شكراً ؟؟؟  يعني هو سوائق التاكسي هيقولي ( يلي مقلتش شكراً ) !!!! أكيد محدش هيسألك لية مشكرتنيش بس الأكيد هيفتكروا كدى,,,, دينا وقيمنا أوجبت علينا الأبتسام في وجه الأخر والأعتراف بالجميل,,,, قال عمر بن الخطاب رضي الله عنه : ( لو يعلم أحدكم ما له في قوله لأخيه : جزاك الله خيرا ، لأَكثَرَ منها بعضكم لبعض ) ,,, للأسف ثقافتنا الأجتماعية فيها تصرفات و أفعال مغلوطة بقينا ماشين في الشوارع ذي العرايس البلاستيك ,,يمكن  لأن الأحوال الأجتماعية والمادية للناس لا تساعد على الأبتسام أو الشكر لكن دى مش صحيح

تخيل بتقول لسوائق تاكسي شكراً ربنا يرزقك وأنت نازل أنت مخسرتش أي حاجة بس هو من جواه حس أنه قدم خدمة و أنة مش مجرد سوائق بيخدمك أنا متأكدة لو شايل هموم الدنيا هيحس بأرتياح ,,, أنت كمان هيتقال ليك شكراً وهتحس بالجميل والعرفان من حد

لازم نبدأ ننمي عادات سليمة للأسف وقعت أو حتى ضاعت من ثقافة مجتمعنا في وسط الدوشة أو حتى ضغوط الحياة ,,,,, قبل ما ندور على حقوقنا المدنية وحقوقنا الدستورية و القانونية لازم ندور على حقوقنا الأدمية ,,,, في مصر الجديدة قـــــــــــــــــــــــوي الناس بتحترم بعضها مش هتسمع كلام خارج وهتشوف ناس متفائلة في الشوارع

يمكن مش عارفة أجمع أفكاري و أنا بكتب الموضوع دى بس لأن النهاردة حصل أكتر من موقف مسمعتش في أخره شكراً ,,, أكتر حاجة بحبها في رسايل خدمة فودافون ” المزعجة ” رسالة كلمني شكـــــــــــــــــراً فودافون من غير ما تقصد بتقول لينا قولوا شكراً

شكراً لأهتمامك بقرأه الموضوع 🙂 ,,,, سمعني بقى شكراً بتاعتك 🙂

Advertisements

4 thoughts on “يا عم قول شكراً

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s