كن حاملاً لهذا الميكروب



إن السعادة تنتقل بالعدوى ..لا تنتظر عدوى أحد .. كن حاملاً لهذا الميكروب”— أنيس منصور

Advertisements

أنا بحلم لبلادي

من تقريباً شهر حضرت ندوة للدكتور أحمد عمارة بعنوان هنعيشها صح  ,,, أتكلم فيها الدكتور أحمد على طاقتنا الإجابية والسلبية وأن العقل البشري بيطلق في الكون طاقات جبارة وبدون شعور منا بنؤثر وبيؤثر فينا ,,, أتكلم على أننا ممكن نساعد الناس بأرسال أفكار إيجابية لهم  وأن أحياناً حزننا وشفقتنا المبالغ فيها بضر أكتر ما بتنفع ,,, كان بيقول أننا في كل يوم المفروض ندعي الله بيقين أنه يساعد الموجودين في الميدان أو أي واحد بيحاول يساعد مصر ,,,,  الللي فهمتة أننا بسكوتنا كمان هنضر بلدنا لاننا هنسمح لناس تانية ترفع مستوى طاقات الناس السلبية أو حتى تحبطهم وتخلينا نرجع تاني نقول مفيش فايده

كمان برنامج الدكتور عمرو خالد تعرض للفكرة نفسها من خلال  فقرة عجبني ومش عجبني في البلد واللي بيعرض فيها مواضيع ومواقف إيجابية و سلبية كمان ,,, واللي أعتفد أنها بتوازن الطاقات بداخلنا لاننا ببساطة هنرتاح من المواقف الإيجابية وهنساعد حتى ولو بفكرة في المواقف السلبية  ” وعلشان موضوع الأفكار بالذات أنا متحمسة جداً للبرنامج ” ,,, نرجع للدكتور أحمد عمارة ,,, الدكتور عرض موضوع مهم جداّ وهو دى السبب الأساسي اللي دفعني أكتب التدوينة دي ,,, مفهوم تبادل الأفكار أو تضخيم الأفكار الإيجابية كما أحب أن أسميها  ,,, الموضوع كله مش محتاج تقوم من على الكرسي بتاعك ولا حتى توقف قراءه  في الموضوع ,,, كل المطلوب أنك تغمض عينيك وتبدأ ترسل طاقات إيجابية لأي أفكار بناءه أو إيجابية سمعت عنها أو حابب تعملها ,,  أنك وأنت واقف مع مجموعة من أصحابك أحكي لهم عن فكره إيجابية شوفتها أو سمعت عنها ,,, وبلاش يعني نقعد نقول ونزيد في كلام حتى ولو صحيح ذيادة الكلام عنة مش هيصلح وخصوصاً لو مفيش حل في أيدك  ,,,, هنستفيد أية ؟؟؟ هقول لكم … الفكرة الإيجابية في دماغ أي واحد منا بتدفع العقل البشري لأطلاق طاقة إيجابية  والموضوع دى حقيقة علمية 100 % الزيادة بقى أن الفكرة نفسها لو فكر فيها أكتر من شخص هتتضاعف طاقتها مرات ومرات وهتلاقيها بدأت في حيز التنفيذ بكل سهوله

لان العالم كله بيساعد في إنجحها بدون أن نشعر ولو تابعت أحداث ثورتنا العظيمة من إتجاه بعيد عن السياسة والأشخاص أو بمعنى اخر بمعنى روحي أو نفسي هتلاقي أن فكرة ثورة في البداية كانت مستحيل تنجح لو فضلت في دماغ شخص أو شخصين لكن  زيادة الكلمة في عقول أكتر وسعيهم لتحقيقها وبالوقت بقى دى هدف ملايين المصريين ,,  ودى اللي أطلقنا علية ” روح الميدان ” وكلنا عرفين أد أية الروح دي كانت إيجابية لدرجة أن في حملات كانت بتدعو الشعب للبقاء على هذة الروح  ….

كل دى وأدخل بقى على أي موقع إجتماعي هتلاقي كل الناس بتنقل طاقات سلبية مهولة ,,, يعني الكل قاعد ينقد في الجيش والحكومة ونفس الفكرة بتتكرر أن الثورة وصلت للأيدي الخاطئة ,,, مع ان اللي بيكلم مش هيزيد ولا هينقص بكلامه في قرارت المجلس العسكري يبقى بتحبط الناس لية ؟؟؟  بصراحة انا مليش لا في سياسة ولا غيرة بس بجد بدأ الأحباط يخبط على باب قلبي وعقلي ودى مش هسمح بيه ومش هسمح لمصري في الكون يقول تاني يرتها ما قامت مغيرتش كتير ,,, الثورة غيرت بس أحنا لازم نساعدها ونساعد بلدنا ولو مش عارف تعمل كدى أحلم بيه وأحكي عنه ودى اللي هعمله وهتعملوه معايا ,,, هنحلم لبلدنا

أحلموا بحلم أوحتى أخترعوه و أحكوا عنة وأكتبوه أبعتوا دعوات وأفكار سلام للحكومة ,,, لما تلاقي حد متشائم قول له بالله عليك أضحك دى مصر حلوة مش شيفها قدامك خضرة قد أية ,,, أحكي له أنك شايف أبنك بياخد حقة في بلدة و أن بلدنا حققت رياده على مستوى عالمي بجد ,,, قول له إن مصر بعد سنة بالكتير هتسلف أمريكا وهتناقش المعونة الفرنسيه وأنها هتحاول تنزل من قيمه الديون  🙂  بتضحك ,,, ماشي قول له أن التعليم في مصر من أقوى نظم التعليم في مصر وأن الجامعات المصرية بتخرج علماء ومهندسين على مستوى عالمي وأنك مش محتاج تكمل دراستك برة لان ببساطه التعليم هنا أحسن ,,, أحكي عن أد أية الشارع اللي جمب البيت مثالي جدا وأن فرن العيش اللي جمبكم بيوصل العيش للبيوت  ,,, عيش وأحلم وغني كمان

بس مش تفضل تتكلم لغاية ما تصدعنا متنساش تعمل ,,  مش هقول لك أنزل أو متنزلش يوم الجمعة لكن في جميع الأحوال أنزل علشان بلدك تبقى احسن ,, مش علشان تحاسب وتحاكم  أنت نازل علشان تمسك بأيد مصر تعدي محنتها ,,, بلاش غضب وكره خليها جمعه محبة ,,,,, وأحلم لمصر

مستنيه أسمع وأسمع للناس أحلامكــــــــــــــــــــم

لا تسكـــــــب ماءً

أوشكت البلاد على مجاعة ,, الأطفال قاربوا على الهلاك ,, الحــــــــــــــــــل في يد الحاكم ,, يأمر كل سكان البلاد أن يتجمعوا وأن يحضر كل واحد منهم ما يقدر علية من لبن ليطعم أطفال القرية وحدد ميعاداً لذلك ,,, ولكي يتأكد أن الكل سيساهم أرسل على كل شارع حارس يتأكد من أن كل سكان الشارع قد خرجوا بأنية اللبن

رائع ,, أستطاع الحاكم أن يخرج بالبلاد من المجاعة وأن يحافظ على ألأطفال من هلاك محتوم ,,,,, كل السكان شاركوا الكل ساهم في وضع اللبن في الأنــــــــــــــــــــــــــــــاء

في اليوم التالي الأناء لا يحتـــــــــــوي سوى ماء !!! أين اللبن ؟؟؟   الكل ساهم لكن بماء ,,, الكل أعتقد أن مشاركته بماء لن تؤثر على اللبن الكل لن يلاحظ … مات أطفال القرية ولم يجدي الماء بدلاً عن اللبن

قصة رائعة أستمعت لها في برنامج بكرة احلى للدكتور عمرو خالد في أولى حلقاتة بالأمس  ,,,, لا تبني الشعوب حضارتها ومجدها ولا تتجاوز منحها بالأتكـــــــــــــــــال ,,, تبني الشعوب أمجادها فقط حين يدرك كلاً منا أنه مسؤول أنه سيحاسب حتى لو لم يوضع علية حارس سيحاسب حتى لو لم يراه أحد ,,, حين يدرك ” وقل اعملوا فسيرى الله عملكم ورسوله والمؤمنون ”   حينها لن يسكب ماءً

برنامج رائع كعاده الدكتور عمرو خالد  فقط اتمنى من الكل متابعتة وأيضاَ المشاركة فية بكل إستطاعتك

   هل أنت مستعد لبناء مصر ؟؟؟   نعم انا مستعدة بأذن الله وأقسم أني يوماً لن أسكــــــــــــــب ماءً

وانــــــــــــــــــــــــــــــــــــــت  ؟

أستمتعت اليوم ,,, بفضلهم

4_5_2009

يوم لا ينسى أبــــــــــــــــــــــــــداً ,,, لم أذهب للأماكن جديدة نمط معتاد من رحلات الكلية ,,,لكن هذة المرة أستمتعت لأقصى حد 🙂 ,,, الجديد أن أصدقائي في الكلية قرروا أن يستمتعوا بأخر رحلة دراسية  ,,, أن يستمتعوا لأقصــــــــــــــــــــــى حد ,,,,  جو رائع من الصداقة كان يعم باص الرحلة الذي لم تحتوى ذكراً واحداً  🙂 🙂 سوى  سائق الباص ,,, رحلة بنات * بنات

إبتسامات وأحياناً ضحكات يسمعها سائقوا السيارات المجاورة  🙂  ألعاب ونكت ومسابقات ( طبعاً لم أفز بمسابقة واحدة لكن سارة  أعطتني شوكلاتة وسرقت أنا وإيمان كيس البالونات 🙂 بصراحة سرقتة وهيا مقلتش لحد 🙂  ) ,,,, الاء مسؤول النظافة مسكت الكيس رايح جاي يا بنات محدش يرمي حاجة على الأرض الباص بمليون جنية  ( سوائق الباص طبعاً هو اللي قعد ينبة على الباص وعلى الكراسي ) 🙂 ,,,أسماء وشوية بنات كانوا مسؤلين عن برنامج الرحلة :),,, ومش هقول لكم على سارة جميل والاء1  اللي حضر كفاية عليه اللي شافة واللي محضرش فاتك نص عمرك 🙂 ولا أقولكم على خفة دم مروة اللي ميتوصفش  ربنا يكرمها يا رب والاء2 ومي كمان ,, أول مرة أتعامل مع مي بس طلعت عسوله خالص  ,,,كله بقى وسارة ممدوح عسل وهيا خايفة في الحسين وطالعة تجري 🙂 ,,,,,,   وسماح السكرة ,,, ولا شلة مدينة الاطفال زينب واية1 واية2 ونورة وهما عارفين قصدي ,,,, والاء3 كل ما أشوفها افتكرها وهيا مغمى عليها السنة اللي فاتت في اللعبة بس السنة دس محصلش حاجة ,,,  زينب بقى دي حكاية 🙂 ورنا عاطف عسل  ولا لما خلت سماح تفتكر أنها مات  🙂  ههههههههههههههه  ,,,, وسيبكوا من دى كله واية1 وهيا بتصرخ ذي العصفورة في قطر الظلام   🙂 وأية 2 بقى وهيا جمب سماح في نفس اللعبة ,,, أصل أحنا بصراحة ركبنا قطر الظلام دى يجي 3 مرات أممممممممممممممممم  مها لما أنا وهيا ركبنا الشلال لوحدنا وطلعنا ذي الكتاكيت الغرقانه 🙂 ,,,,  وندى اللي طلعت الرحلة وهيا مش عارفة أنها طلعت 🙂 ,,, أصلها أخدت القرار قبل الرحلة بنص ساعة 🙂 بس الحمد لله طلعت ,,, سيبكوا من دى كله وشوفوا منار  🙂 سكرة ومش هقولكم على اللي عملته أصله سر 🙂 بصراحة كل البنات كانوا يجننوا

في وسط اللعب أسماء سألتنا أية الأستفادة من الرحلة يا بنات ,,, الاء1 بسرعة قالت لها علشان أفرج ولادي على الصور لما يكبروا 🙂 وأقول لهم على مغامرات ماما 🙂  ,,, وأنا قررت كمان أقول لهم بس ربنا يستر بعد اللي هيشفوه مش هقدر أقول لهم عيب بلاش شقاوة 🙂  🙂   هههههههههه

أنا كنت فرحانة قووووووووووووووووووووي وكان نفسي كل البنات أصحابي يطلعوا وكمان كان نفسي رنا حسلم تطلع معانا كانت نقصاها بجد بس حصل خير متعوضة إن شاء الله في رحلة التخرج اللي بنخطط لها 🙂  🙂  قريبــــــــــــــــــــــــــــــــاً

وعلشان منساش حد أسمحوا ليا أكتب أسماء أصحابي اللي كانوا معايا في الرحلة كلهم وبتريب جلوسهم في الــــــــــــــــــباص أبو مليون جنية 🙂

الاء2 _ الاء 1

مي _ مروة                          سلمى _ أسماء

إيمان1 _سارة2                           ندى_منار

حنان _ سارة1                       إيمان2_أيمان3

مها_الاء3                                أية1_أية2

رنا _سماح                                  زينب – نورة

وباقي البنات بنات دمهم خفيف أصغر مننا ربنا يكرمهم ويطلعوا رحلات كل سنة قبل ما يتخرجوا ذينا وميطلعوش 🙂