عبدالله المخترع :)

أنــــــــــــــــــــا في هندسة من خمس سنين 🙂 ,, بس مفتكرش أني مرة جبت سلكين وركبتهم في مقاومة مثلاً إلا لو كنت في المعمل ,,, بصراحة موضوع السلوك والمسامير مش هوايتي و مش بحب الدوائر المعقدة 🙂 بس عادي مش لازم أحبهم  ,,,,  تقريباً أنا أخدت الموضوع مهني أكتر والحمد لله بحب المجال اللي أخترتة أكتر ” الشبكات” وبعرف أركب رواتر 🙂 ” مشرف المشروع بيحب أجمع روتر برواتر 🙂 ” المهم من خلال تجربتي الهندسية أقدر أقول لكم أن الهندسة كمهنة شغاله لكن كهوايه متعة كبيرة جداً ,,,  وأتحدى أن هوايه الهندسة أكثر متعة من أي شئ ,,, بس علشان ندخل في الموضوع على طول  :

أحب أقدم ليك عبدالله عوض أبن خالتي واللي عمرة لم يتعدى 10 سنوات ,,, عبدالله يحل ضيف علينا اليومين دول في زيارة عائلية وطبعا أنا بالنسبة له ” لأني مهندسة ” أعتبر بطــــــــــــــــله  🙂

عبدالله بعد ساعة من وجودة في البيت لقيتة رايح جاي بيفتح في الدولاب وبيدور في الكرتونة وبيقلب في صندوق اللعب ,,, قلت أسيبة ” عيل ” بيلعب  ,,,, على أخر النهار لقيت العربيه اللي في الصورة بتجري تحت رجلي 🙂 ,,, سألته من ركب دي ,,, قال ليا أنا لقيت عجل ومتور في الكرتونة ركبتهم وعملت العربيه دي  ……. بصراحة عجبني قوي وخصوصا لما عرفت أنه عامل ورشه صغيرة فوق السطح وكلها حجات متكسره بيحاول تركيبها ,,, عبد الله حلم حياته يبقى مهندس إلكترونيات ويصنع أجهزة و حجات ” على حد تعبيرة ” لكن للأسف عبدالله ضعيف جدا في الإنجليزي !!!! ومبيحبش الرسم مع أنه بيرسم التصاميم بتاعته ولو لاحضت هتلاقي العربية فيها لمسة جمالية وطبعاَ مبيحبش العربي بالمرة وبينقص فيهم عدد محترم من الدرجات وهو لسه مطلعش من ” البيضة ” شايل هم هيروح هندسة أذاي ومجموعه ممكن يقل علشان اللغات !!!

بصراحة أول ما قال ليا كدى ضحكت ,, وقلت له أكبر وروح الثانوي الأول ,,, عبدالله عنده ” ماشاء الله ” ذكاء تنفيذي رهيب وعنده حس تصميمي رائع وموهبة جميلة في إعادة تركيب الأجزاء لكنه ضعيف في اللغات !! سألت دكتور أعرفه قال أن طبيعي الإنسان يكون بارز في مجال معين عن غيرة ومش عيب أنه مش بيتعلم لغات بسرعة  ” بصراحة أنا مبحبش اللغات 🙂 كمان “

اللي في بالي عقبال ما عبدالله يوصل المرحلة دي أكيد هيكون النظم التعلمية في مصر أتغيرت بحيث متظلمش موهبه عبدالله وغيرة كتير ,,, ولا بعد كام سنه هنفضل مستنين جواب مكتب التنسيق !!!

كمان في بالي مشكله تانيه ,,, موهبته عبدالله عاوزه حد ينميها ويوجهها صح … وأنا بصراحه بحاول معاه وبشجعة وأمه كمان بتشجعة لكن للأسف والده عاوزة يطلع دكتور !!!! ومش بيحاول يساعد موهبه جميلة ممكن تبقى سليمة ومبدعة جدا جدا

في مصر مواهب كتير جدا وكمان في أطفال سبقوا سنهم بعشرين سنة لكن الروتين والقاونين المتجمده أو حتى ” الغبيه ” بتدفنهم بمواهبهم وبتضيع فرص كتير لمصر وأولادهـــــا ,,,, نفسي يصدر قانون بتبني المواهبين في كل بلد وقرية ,,, وبدل ما يكون التعليم عبارة عن تيار الكل فيه منجرف يكون طريق سليم لكل موهوب

أخيراً : أدعوا لعبدالله يبقى بأذن الله البشمهندس عبدالله  🙂

Advertisements

3 thoughts on “عبدالله المخترع :)

  1. على فكره موضوع اللغه ده مش مشكله بالنسبه له علشان هو لسه صغير في ايديه ينمي اللغة وهيكون شاطر فيها لما يكبر ويبدأ يشتغل على نفسه من دلوقتي واللغه مش عائق لدخول الكليه ….. ان شاء الله ربنا يكرمه ويحقق له ما يتمناه .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s