الفيمتو وفلسطيـــــن _ يعطى اللقاء حلاوته

“كنت المفروض إني نايمة من ساعتين بس بعد الفجر قلت أسمع أهم خطابين في اليومين دول طبعاَ خطاب الرئيس “محمود عباس” و “النتن ياهو وأكـــــيد سمعت الأول خطاب الرئيس الفلسطيني محمود عباس … ومع إني أمتلك قناعة كبيرة بأن ما يحدث هو مهزله في وجهنا اللي هو(  إحنا العرب ) وكمان بستغرب قوي من المواقف العربية المخزية وصوتهم اللي محدش سامعة واللي زاد الطين بله ” على رأي القذافي ” إننا خايفين من المضروبة في قلبها ” أمريكـــــــــا ” _  اللي يغيظ مش بس أننا بنبوس الأيادي الـــ….. ( عفواً المدونة لا تعتمد الألفاظ الخارجة وأترك النقاط  لمخيلة القارء )  أننا بنقول لها والنبي ما تقولي لا …وبصراحة معرفش إن كان صح اللي بيعملة عباس ولا غلط !!! عن نفسي هطالب بدولة كاملة مش حتة وحتة  واللي يقول في الموضوع دى” نص العمى” إحتمال أقوله لك عمى لأن دى ضعف وإعتراف بشوية الــــ ….. …..  بس يمكن أبقى غلط أو صح في الموضوع دى الناس إختلفت كتير … في حاجة كمان كان نفسي فيها أن العرب يبقى ليهم حق ذي بتاع أمريكا اللي بتقلب بيه الدنيا وأنا بقترح نسمية حاجة على نفس الوزن بس فعالة أكتر وكلنا بنحب نشربها في رمضان على الفطار 🙂 ( حق الفيمتو ) ,,, بجد علشان نخلص الحكام والرؤساء بتوعنا كلهم بلا إستسناء ” خيخه ” ومش عاوزين ثورات دول عاوزين إبادة جماعية تخلصنا منهم … معرفش الناس دي بترضع الجبن والخيبة وهما صغيرين ولا إيه بالظبط !!!! … إذاي يا عربي يا مسلم أنت وهو بتدعم فلسطين ومش بتعمل لها نص اللي بتعمله أمريكا ” للموكوسه ” إسرائيل !!!! والله الموضوع كله هيجيب ليا نقطه … عموماً بالنسبة لكلام الرئيس الفلسطيني مشدنيش قوي 😦

نجي بقى للبرنس النتن … حاجة إستغفر الله عليها يارب دى أنــــا لو جاية من كوكب تاني كنت هقول بعد ما سمعت خطبتة العصماء ياحرام أخص عليكوا يافلسطنين إية الوحشية دي  !!!!  أما صحيح كلب عامل نفسة حمل ( اللي فاتت مش شتيمة دى مجرد تشبيه ومازلت أرحب بخيال القارء ) وقال إية الناس زعلت وخاطرها أتعكر لما نجاد كان بيقول لهم أن أحداث 11 سبتمبر مدبرة من أمريكا  دى على أساس أن ” ضحى ” بنت خالتي مش عارفه كدى !!! ماعلينا  ….. لسة الـ …. بيعيطوا على اللي مات في الأحداث دي طب ومين بيعيط على شهداء غزة ؟؟
والله شكل اللي إسرائيل بتعمله في فلسطين هيطلع في يوم فوتشوب !!! وهنطلع نقول سوري يا نتن !!!

أخيراً مش عاوزة أبقـــــى متشائمة بس أحنا عارفين أن الجيل الـــ …. مش هيحررها برضه ومع أني متأكدة أن العيب مش من الجيل لانه أثبت أنه قادر وإنما من الطراطير اللي على روسنا بس يلا خير

أنــــــا عندي إحساس بنسبة 50% أن فلسطين هتاخد العظوية وأكيد دى معناها إني مش عارفة !!! بس نفسي بجد نحاول نرجع كرمتنا المتبعزئه على باب كل دوله شويه ونعمل بقى كوباية فيمتو نشربها سوى 🙂 ….. إلا ذلك الوقت دمت يا وطنى حراً

خير اللهم إجعله خير :)

صباحكم قهوة وشيكولاته 🙂 ,,, صباحكم خير فوق العادة

صباح الخير جميعاً … النهاردة صدقوني لا يختلف إطلاقاً عن إمبارح وبكل تفاؤل مش هيفرق كتير عن بكرة 🙂 … بس لأني ولله الحمد عندي ما يسمى بسرعة الشفاء من الإكتئاب المفاجئ أو لأن إكتأباتي نصها ضحك وهزار فأنا النهاردة مزاجي عال العال 🙂 …فقلت بما إني مزاجي كويس الحمد لله أقول ليكوا كدى يمكن مثلاً حد عاوز يطمن على صحتي 🙂  ……  النهاردة أنــــــا مبسوطة لعدة أسباب ولأنكم ولاد حلال هقول ليكوا واحد بس 🙂

أمـــــا الأسباب التانية فهيا شخصية بحتة وملكوش فيها 🙂 …. أصل أنـــا كباقي شباب مصر معيش رصيد طول الوقت وبالتالي مش بسأل على إصحابي كتير  😦  محدش يقول عليا بخيلة لو سمحتوا بس هيا بتيجي كدى النت بياخد وقتي كله … ما علينا كنت بقول مش بسأل كتير على الناس ودايماً دايماً تتصل عليا واحدة من إصحابي تقولي أنتي فينك ونقضي المكالمة مصالحة وطبطه 🙂 ولو جينا نبص مهيا برضة مش بتتصل لكني بشيل الذنب لوحدي 😦 وأقعد زعلانة أه والله 🙂 …. رنا صحبتي ” ربنا يخليها لهشام ”  أتصلت عليا وعاتبتني النهاردة معاتبه صديق حاجة كدى تفرح عارفين اللي بيسموه لوم الحبيب وبصراحة كنت فرحانة بمكلمتها 🙂 وإتفقنا نتقابل النهاردة … وكمان ندى صحبتي سألت عليا بطريقة بحبها كتبتي ميشن على التويتر بتقول فيها إني وحشتها وأنا علشان بت كول جدا كتبت لها بالفرانكوا وأنا كمان 🙂 …… الصراحة بقى أنا  ” ….. ” (مبحبش أشتم نفسي) بس أنا مقصرة مع كام واحدة من صحباتي وعاوزة أزورهم وأكلمهم بس أعمل إية عاوزة تخطيط جامد للزيارات وخصوصا إنهم برة المنصورة والموضوع صعب حبتين …. إن شاء الله مش هيعدي بكرة إلا وأنا مكلماهم كلهم ومسلمة عليهم واحدة واحدة ….. أممممممممممم هو اللي فات ممكن يكون كلام ملوش لازمة قوي يعني وممكن كمان تقول هيا كاتبه دى ليه !!!! عادي يعني دى ما يسمى فضفضة إلكتروني 🙂

بس مش عارفة إيه جو الإكتئاب والزهق الجماعي اللي على الناس كلها أنا قلت دى انا بس لقيتها موضه 🙂 بس أتوقع ينزل غيرها على دخول الجامعات 🙂 …. بقول ليكم إية تأخدو حبة شيكولاته سخنة ؟؟؟ ولا أقول ليكوا الأحسن نروح ننام كفاية كدى 🙂

أسيبكم مع الفديو دى …