20 ♥ 11

…………………………………..

سامعة ناس بتقول ليكي روحي يلا وبيكسروا وراكي قلة باين !!! أنتي أكتر سنة حبتها … سيبك أنتي ولا يهمك …
2011
من أول دقايق فيها وأقدار الناس وأحوالهم اتغيرت وكأن السنة دي بالذات كانت سنة الإنقلاب العالمي  .. حتى على مستوى الأشخاص متأكدة أن مفيش حد دنيتة  مش أتقلبت في السنة دي
2011
ولا عارفه ليكي أسم .. من عام الحق لعام الشهيد ولعام الثورات وهات يا أسماء بس أنا بحب أسميكي  ” سنة الفرج ”
2011
سنة الفرج مش بس على الشعوب بالأخص عليا لان ربنا فرج عليا فيها  وأتخرجت 😀
2011
السنة الوحيدة اللي هنفضل نقول في 2011  حصل كذا لخمسين سنة قدام 🙂
2011
بطلت أخاف فيكي من أي حاجة وكل حاجة  وحليت فيكي حبة عقد
2011
أنتي عارفة كام واحد مات فيكي !! علشان بس كان بيقول الحق ؟
2011
ناس كتير جدا بانوا على حقيقتهم من أول دقيقة فيكي و كشفتي ليا ناس كتير قوي
2011
أنا مش مؤمنة إطلاقاً بالأبراج بس كانوا بيقولوا ليا أني هحب فيكي من ساسي لراسي ومحصلش !! فممكن تبعتيلي واحد لــ 2012 حتى لو صلحيتوا خلصت 🙂
2011
عوزاكي بقى وأنتي ماشية توصي السنة الجديدة على مصر جامد وتقولي لها خلي بالك منها دي مصر دي غالية
2011
كدى بقى أنا كتبتك 11 مرة في التدوينة دي 🙂 مع السلامة بقى وزوقي عجلك ولو ينفع بقولك خدي في أيديك النظام اللي قعدنا نقول طول السنة يسقط وأتاريه مسقطش !!!!
وأنتي ماشية برضة خدي المحروس وعيالة من طرة أصل وشهم وحش علينا !! ولا أقولك خليكي ماشية خفيفة إحنا هنخلص عليهم 😀

أنا كل سنة بعمل حاجة مجنونة في أخرها 🙂 والسنة دي بالذات ناوية أعمل لماما وأغني ” أنا أبريق الشاي ” 🙂  لاني بحبها قوي وعاوزة أعيش معاها طول السنين ولأنك زعلتيها شوية فقلت أضحكها شوية قبل ما تمشي 🙂
أنا بحبك قوي بس نفسي متتكرريش تاني مش لأنك وحشة بس لأن فيكي مات شهداء كتير … يارب أجعل كل الأعوام خير
كل سنة وأنتوا طيبين يا مصريين 🙂

 

 

Advertisements

11 thoughts on “20 ♥ 11

    • على فكرة برج العقرب بيحب في شهر 9 بس 🙂 فأنا مش مستعجلة خالص 🙂 … بس أهم حاجة يبقى تشطيب درجة أولى 🙂 هو بصراحة بتاعة الأبراج قالت برج العقرب هيجب في شهر 9 وبس 🙂 فأكيد مكنتش تقصد السنة دي أصل بصراحة جالي في السنة دي حالة سددان نفس 🙂 من اللي بيحصل ….. عموما السنة دي مكنتش مليان حب قوي ربنا يملى أيمنا حب ورسعادة يارب

      • loooooool
        هيا فعلا 2011 دي كانت سنة غم ومحدش كان فايق يحب غير مصر
        😀
        ربنا يرزقك بابن الحلال ان شاء الله في 2012 وقبل شهر 9
        🙂

  1. هههههههههههههه
    جامده ياسلمي
    اسلوبك عاجبني مووووت هنا
    مش عارفه اقولك
    ضحكتيني ولا بكتيني ولا فرحتيني ولا حزنتيني ولا احبطت ولا تفائلت
    مشاعر متناقضه كلها جوايا
    بس خلاصته ان كلامك عاجبني كتير
    فعلا كانت سنه صعبه ورائعه في نفس الوقت
    كل سنه وانتي صحبتي
    وحبيبتي وجارتي
    ففي دنيا والاخره
    تحياتي لكي ايتها الرائعه
    🙂

    • ما هو السنة دي مليئة بالمتناقضات ناس مش بتحب الثورة بس بتلعن مبارك وهكذا قيسي على كل المشاعر والأحداث … بس سيبك انتي من كل دى أخبار السنة دي معاكي إية 🙂

  2. Nice Post Salma ❤ Like it awiii ❤ w rabena yes3dk w yenawelk elly fe balek 😉 ,,, w ba3deen eh el o3'neya el 2adeema de 3'anelha o3'neya 7adesa shewya 🙂 da e7na fe 2012 🙂

  3. حلوه يا سمسمه :))
    افتكرى الساعه 12 بالضبط تسلميلى على مامى 😀
    ويااارب ان شاء الله فى 2012 تتحقق كل احلامناااا ونفضل دايما صحاب واخوات ❤
    قولى آميـــــــــــن

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s