لورا

من سنة بس كنت  أعاني من حالة متدهورة جداً من فوبيا القطط  ولو شفت  قطة في أخر الشارع بلف من الشارع التاني لدرجة أني مرة وأنـــــــا في 3 كلية وقفت أكتر من ربع ساعة في الشارع علشان بس القطة مش راضية تتحرك من عند البوابة  !!!
أنـــــا مش كنت بس بخاف منهم أنا كمان كنت بكرهم جداً جداً  ….  الوضع أستمر لغاية ما صحبتي وجارتي منار جابت قطة صغيرة وسمتها   ”  لورا  ”  بعدها كرهت القطط وقربت أكره منار

     

كل ما أروح تيجي الست لورا تجري ورايا وأنا أطلع أجري والهبل يشتغل 🙂  …  بس مع الوقت وخصوصا في أخر 2011 قررت أني أكتب في نقط كل اللي بخاف منة وطلع طبعاً على رأس القائمة القطط  وفكرت فيها على أنها روح وحيوان ربنا خلقة لهدف لية نكرهه بدون سبب وكمان كنت متأكدة أن القطط بتخاف مننا أكتر
ومع الوقت حبيت لــــورا  بصراحة معرفش انا حبيت لورا ولا حبيت القطط  !!! في جميع الأحوال انــــــا أتعلقت بيها  أوي أوي كنت بحبها لما تيجي على رجلي وتنام ذي الطفل
لدرجة أني لو زرت منار قبل ما أسأل على أهل البيت بسأل على لورا  ,,  بصراحة كنت بعاملها ذي فرد من أفراد الأسرة ودا كان باين أوي من كلامي عنها أو لو أتكلمت عنها مع منار وأصحبنا
لورا كبرت 🙂 وأتجوزت 🙂
وأظاهر الجواز جه على صحتها بالسلب 😦 ومن ساعت ما أتجوزت سي  ” كوكي  ” وصحتها في النازل  ,, ولورا جابت ولاد ومن الستة اللي جابتهم مات أربعة وفضل بس  ” لورين ” و” جاك “


واللي سمى القطط  ” منى ” اخت منار بصراحة مكنش عاجبني أسم جاك وكنت ناوية أغيره أول ما أشوفـــــه  .. بجد أنا كنت فرحانة لما منار قالت ليا الخبر دا  بس للأسف لورا تعبت جدا بعد الولادة :((
( معرفش الموضه بتاعه الولادة القيصري أتنقلت للقطط أذاي ) وفعلاً لورا راحت للمستشفى وتعبانة جداً  !!!

والنهاردة لقيت منار كاتبه أن ولادها ماتوا :((   ,,, أنـــــا عارفة أن ممكن تقول اية العيلة دي كاتبة موضوع علشان قطة وعيالها !! بصراحة أنا أول ما عرفت زعلت جداً
كل اللي في البيت مستغربين من اللي كانت بتخاف من قطة معدية تحت البلكونة لواحدة  زعلانة على موت قطة !!
القطط روح جميلة ولأننـــــا مجتمع ميعرفش الرفق بالحيوان اللي هو أساس في دينا بقى بنعتبر أي كلب أو قطة في الشارع حاجة لازم نتخلص منها
أخيراً  … أنـــــا بحب القطط وخصوصا لورا وإن شاء الله هيعوض منار بقطط صغيرة تانين

روى ابن أبي خيثمة أن النبي صلى الله عليه وسلم أوصى بالهر ، وقال : إن امرأة عذبت في هرة ربطتها وفي الصحيحين { دخلت امرأة النار في هرة حبستها فلم تطعمها ولم تدعها تأكل من خشاش الأرض 

Salma Say 's :

النهاردة عيد الحب كل حبيبن في اليوم دى بيجددوا ميثاق حبهم … وطبعا بيجيبوا دباديب وحركات بقى 😉 بس أنا كل مرة بديلوا بوسة على خدوا وأقول له كل سنة وأنت الحب ….
أه بديلوا بوسة 🙂 أصل حبيبي كمان عيد ميلاده النهاردة … ودى طبعا سبب حلاوة اليوم
كل سنة وأنت أغلى وأحسن الناس يا بابا …. ويارب نجتمع دايما على خير ويدك الصحة والعافية
بنتك المحبة دائما سلمى

View original post