إلى من يهمة الأمــــر

في حيــــــاة كل واحد فينا فارس أو شخص  ”  ذو هاله مضيئة  ”  أقصد يعني أن لكل شخص  ” مُلهم ” … الهاله اللي حولية دي بتكبر كل ما بيكبر في نظـــــرنا ..  وكمان في حياة كل واحد فينا سر بيبقى شايلة في قلبة وحاسس بتقل رهيب بسببه  …  وما بيصدق يرميه على أي شخص  ” ذو هالة مضيئة  ”  …   وفي حياتنا كمان ناس .. في الحقيقة  ” ناس كتيـــــــر ” ومهمتنا أننا  ” نصنف الناس  ”  ونحطهم في دواير حولينا قطرها بيوسع ويصغر كل ما يقربوا ويبعدوا  …  المنطقي أن ” أصحاب الهالة المضيئة ” هيكونوا في الدايرة صفـــــر وممكن يكونوا في الديرة البعيدة  ”  معرفش  ” بس مش كل مثل أعلى بنعرفه دا قصدي

خلينــــا في الدواير بقى  …  أنـــــا في حياتي الوضع مختلف  أنا بصنف الناس في ” مثلثات ” وبالتالي في المستوى الواحد في ناس قريبة وناس بعيدة وناس في الزويا وناس على الأضلاع  وناس هنا وناس هناك  …  وتصنفاتي مش مبنية إلا على أساس واحـــد  ” القلب وما يهوى  ”  وبــــــــــس   ..  وفي الغالب المثلث الأول بتاعي بيبقى مليان بالناس المرحه المبتسمة علشان دا الأقرب لشخصيتي  !  ودا مش معناه أن معنديش ناس ولاد كئيبة فيها  …  أهلى وأمي وأخواتي مش موجودين في أي مثلث لأنهم في قلبي

أممممممممم   أنــــــا مش عارفة أقولها أذاي  !!  المشكلة أني مش برتاح إلا والمثلث الأول يكون على أخرة يعني حوليا ناس كتير ومش فارقة على ظلع ولا زاوية  …  بس مش عارفة لية المثلث دا بيفضى كل يوم عليا !! وكل يوم طول الأضلاع بيقصر  …  بقول كدا لية ؟! لأني ببعد قوي عن فرد ” كان ذو هالة مضيئة ” في حياتي  ومعرفش اية اللي بيبعدة ؟! ومش عارفة أسأل ولا عارفة أجيب جواب  … كنت برتاح أوي لما أكلمة وأقضي معاه وقتي ونفضل نروح ونيجي ذي النحل في الشوارع .. معرفش أذاي بقينا أصحاب و أخوات رغم أن شخصيتنا مختلفة جداً بس انــــا كنت بحب الأختلاف دا  …  كانت فعلا ملهمتي وكانت الصاروخ اللي بيفجر أفكاري  وكنت بحب أعمل معاها كل حاجة و أي حاجة  !!  …  معرفش لية بنبعد

لما كنت بكتب هنـــــا قبل كدا كنت بكون متأكده انها هتقرا الكلام بتاعي  ..  أنـــا بكتب وعندي أحساس أنهـــا مش هتشوفه
بس لو قرأتية قولي ليا أحنا ليه بنبعد ؟

#ملاحظة لما بيبقى كلامي ملوش معنى واضح ومش مترابط وكلمة من هنا وجملة من هناك ساعتها بس بحس أنه من القلب ! #

Advertisements

4 thoughts on “إلى من يهمة الأمــــر

  1. مش عارفة ليه حسيت فالاول اني عايزة ورقة وقلم عشان ارسم كلامك و افهمه
    بس فجأة قلبي وصله الاحساس .. وفهمت الخلطبيطة بالصلصة دي 🙂

    عالعموم انا عرفت مين الهالة المضيئة دي ” مش انا طبعا ” 😛

    معنديش حل للمشكلة دي
    🙂

    • أنتي من أعز الناس على قلبي واللي بحمد ربنا كل يوم أنك قريبة مني ,,, أنت من أغلى أصحابي يا نودا:)

  2. 🙂

    كالعاده مبدعه في تعبيرك ووصفك لاحساسك ياسلمي

    عجبتني فكره الهاله المضيه واللي بنستمد منها افكارنا

    مش عارفه احل مشكلة دي ازاي بس اللي عارفاه ان واحد لما يحب يسند ظهره مايسندوش ااوي عشا ن لو اللي سند عليه قام من مكانه فجاه من غير مايقولك ماتقعش فجاه وتتوجع
    خلينا دايما حذرين ان اللي معانا لو مش فاهمنا او واصل له مشاعرنا ناحيته صح انه هايجي وقت وهايقوم فجاه من غير مايقولنا

    خدي بالك من روحك لانها تستحق

    :*
    دمتي مبدعه حبيبتي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s