أنـــا VS .أختي

 

مش لازم نبقــــى نسخه علشان تكوني مميــــــــــــــزة   …  أنت أصلاً حكاية  🙂
دايمـــاً وأبداً لو كنت الأصغر هتسمع الجملة دي  ” مش عارف تكون ذي أخوك /أختك  الكبيرة ”  …  وكأن تصرفات الأكبر دايماً هيا اللي صح لسبب وحيد أنهم الأكبر ! !
نسبة كبيرة جداً من العائلات  ” المصــــــرية ” بتستخدم المقارنة كاعامل تحفيــــز  !!  واللي بيحصل هو تحطيم كامل لشخصية كانت ممكن تكون أحسن من الكبير بكتير

ليـــــا أخت أصغر مني بــ 4 سنوات بالتمام والكمال  …  المشكله أنها عكسي تماماً في كل تصرفتنا ولبسنا وميولنـــــا  ” عكسي بمعنى الكلمة ” في كل أفكرنا وأهتمامتنا وحتى علاقتنا الإجتماعية ونوعية الأشخاص اللي  بنحب نصاحبهم  …   في الأول كانت ماما دايمــاً تقول لها خليكي ذي سلمى   _ دا لأني كنت بحب دراستي وليا هويات وبصاحب ناس شاطرة وعلى حد تعبير ماما عاقلة 🙂 _ وكمان لأني مش بهتم بالطرح والنظارات والبرفانات والمكياج  ” وشغل البنات  كله ”  🙂  …   في وجه نظر ماما وأتوقع في نظر كتير البنت اللي شايفه دراستها وبس هيا البنت الجدعة !  …  ومع أن أختي شاطرة دراسياً إلا أن شلتها  ”  وهبلهم  ” كان بيضيع كل أسباب الرضــــا عنها   …  وقررت  أنا وماما أننا لازم نخليها تغير أصحابها لنوع من بتاعي  … وحاولت كتير أعرفها على ناس أنا شايفة أنهم مناسبين من وجه نظـــــري  ( والأمانه فعلاً ناس محترمة وشاطرة )  ..  وحاولت أنمي عندهــــا هوايات كتير أغلبها أنـــا بحبها  … بحاول أخليها تخرج معايا أنا وأصحابي مثلاً   ….   بس محصلش أي تناغم بين أختي وإصحابي  مع أنها حبتهم وكانت بتسأل عليهم  لكن فضلوا دايماً تحت مسمى  ” إصحاب سلمى ”   ….  أنا لأني  ” مخي ” ديق  ومدب  إضايقت منها وقلت لها أنها مش عاوزة تتغير   …..  ” بعترف  ” أنا حمـــــــــــــــــــــــــــــــــــــــــارة !!!

أنـــــا محولتش أتعرف على إصحابها ولا مرة  !  وكنت بقاوم دا ذيها بالضبط محولتش مرة ألبس ذيها وأخرج معاهم  وفي نفس الوقت لغباء أتحكم في عقلي كنت فاكرة أني من حقي أجبرها على دا  …  أختــــي إنسانة رقيقة ومهذبة جداً وإن كانت تحمل  ” تمرد ” جيلها وجيلي مره واحدة   ..  نفســـــي بقى بجد أقول لكل الناس أختي مش شبهي لكنها ” مميزة ” بدا  …  ومش لأنهـــــا مش بتحب تختلط بأصحابي يبقى مش بتحبهم لكــــن لأن مفيش مشترك بينهم  من حقها تختار أصحابها وطريقة حياتها كامله لأنها ببساطة هيا اللي هتعيشهـــــــــــــــــا   …   أنــــا فعلاً بحس أني سخيفة جداً لما بفتكر أد إيه كنت بقول على تصرفاتها  ” هايفة ” في نفس الوقت اللي عمرها ماأنتقدت تصرفاتي  !!!   …..   صحيح أنا عندي خبرة أكتر منها في التعامل مع الناس لكن هيا من حقها تعرف تكتسب  الخبرة دي من نفسها ومهمتي بس أوحه بأسلوب أخوي لحجات  ممكن أكون شوفتها من زاوية تانية .. الحقيقة أني أكتشفت حاجة رهيبة مؤخراً  أن مفيش حد في العيلة يشبهني خالص  .. مثلاً أنا بموت   في ” اللوك لوك  ” الرغي يعني  🙂 بحب أصاحب  ” ” طوب الأرض ” ناس كتير يعني  .. أدخل البيت أصاحب الكبير قبل الصغير وأدخل بينهم كأني واحد منهم إختي بتسمي دا  ” فضـــــول ” وأنا بسمية عشرية ومحبة   ….  ومش مهم من فينا الصح المهم نكون مرتاحين  🙂  وفي جميع الأحوال فينا صفة رهيبة مشتركـــــــه بنحب الشوكلاته بغباء

أخيراً أنا عندي ملاك في البيت أسمه  ”  إسراء  ” مختلفة عني كلياً و بتكملني جذرياً

Advertisements

5 thoughts on “أنـــا VS .أختي

  1. و أخيرا وصلتى لحقيقه كتير بيجهلها فعلا ,, وانا كنت زيك على فكره فى انى المفروض اوجه واغير سلوك فى اخواتى لانى الكبيره بتاعتهم 🙂 وتوصلت للحقيقه اللى قولتيها قريب يا سمسم 🙂
    اختك دى بنوته عسسسسسل بجد وانا بحبها جدا
    وعلى فكره بقى روحكم حلوه وتتحب بسرعه زى بعض 😉 ربنا يخليكم لبعض يااارب ويخليكم لينا

  2. انتى سكر ياسلمى وأكيد كمان اسراء سكر
    عجبنى أوى النوت:))
    ربنا يخليكم لبعض ويخلى لكل الأخوات أخواتهم
    وبهذه المناسبة السعيدة
    أحب أقول ليمنى أختى
    ))بحبــــــــــــــــــــــــــــك((

  3. بجد قولت الى فى قلبى انا الصغيره وكل ده كان بيحصل معايا بس لحد سن معين وكلهم ادركوا ان احنا مش لازم نبقى زى بعض وده مش معناه ان حد فينا وحش …بجد تسلم ايدك يا سلمى وربنا يخليكو لبعض

  4. حبيتى يا سلمى بجد كلمه احبك دى قليله عليكى يا سلمى وانتى حد رائع وجميل . دا اولا .ثانيا على فكره كل واحد ليه فكره واصحابه وطريقه اختياره.دا حتى الرسالات السماويه لم يجتمع عليها البشر هو صحيح مش معنى كدا كدا انهم صح. بس الاختلاف بين البشر حاجه كدا بتخلى الحياه لذيذه. يعنى لازم يبقى فى الحياه البنوته العاقله ذى سلمى . والبنوته الرقيقه الشقيه زى اسراء يعنى لازم يبقى فى تنوع . بحبك يا بت يا سلمى عشان انتى حد بيحب التغير . ويااااااااااااااااااااارب يخليكوا لبعض.

  5. أنا برده عندي أختي أصغر مني بسنتين بس و الإختلاف بينا وصل لدرجة إننا دايما بنتشاكل و هيا طيبة برده و الله بس من وجهة نظري هيا مش منظمة و مش بتكلمني حلو و دايما بتضايقني و هيا برده بتعرف أصحابي أكتر مما أنا بعرف أصحابها
    ادعولي بجد ربنا يهدينا لبعض

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s