يوم ما سبتنا :(

في اليوم اللي كتبت فيه تدوينة بمناسبة قرب عيد ميلادي جالنا خبر في البيت بموت طفلة عندها خمس سنين من العيلة 😦 .. حسيت إن مش لازم أقول إنه قرب عيد ميلادي ! هو إيه يعني إني أتولدت النهاردة !.؟ عادي يعني ! طب هو إيه معنى إن “مريـــــم ” ماتت  !! .. طب إشمعنا فرحوا يوم ولادتــــي وبيعيطوا يوم ما ماتت !! طب هيا لو ماتت أكبر كانوا هيزعلوا أكتر ولا أقـــــــل  !! .. عارفه إن كلامي ملوش معنى ولا لازمــــه .. بس أنا لسة مش فاهمة .. ليه بيفرحوا لما بنيجي للدنيا وبيزعلوا لما حد يسبها ! طب ما أحنـــــا كلنا هنسيب الدنيا
يعني ما دام مجيتنا ذي مروحنــــا وكلنا بنيجي ونروح يبقى لازمته إيه السبوع والعزى !!!

” مريم ” كانت بنوتة حلوه أوي كانت بتحب تعمل  شعرها ضفاير علشان وشها مدور ذي القمر .. وعلى عكس كل بنات العيلة اللي في سنها كانت هادية أوي .. الفرق بيني وبين مريم النهاردة إني كبرت وأتعلمت أكتب الكلام دا وحسيت بشعور إنك تعدي العشرين وهيا لا !! هو دا الفرق  …  معرفش إيه موتها غير إنهــــــا حادثة !! وإرادة ربنا فوق كل شئ
أنا مليش نفس اقول حاجة النهاردة كنــــت محضرة كلام كتير وأمنيات كتير نفسي أعملها من النهاردة للسنة الجاية .. بس لأني معرفش أمنيه لـــ  ” مريم ” غير إنها كانت مستنية فستان هديه الحج من عمتهـــا ! فأنا مش عاوزة أتمنى المرة دي

عارفين أنا أول سطرين كتبتهم في الوقت اللي سمعنا فية الخبر كانوا إيــــة ؟  ”  يارب خليني أكبر وأكبر في وسط عيلتي وإصحابي والناس اللي بحبهم ……..  “

   وساعتها راح من اللي بحبهم واحد ! وفضلت أنـــــا ..

كل سنة وأنا وأنتي مستنين نتقابل عند ربنـــــــــا ..

Advertisements

2 thoughts on “يوم ما سبتنا :(

  1. مبارح كان يوم ميلادي
    و من فترة مش بسيطة بتساءل تقريبًا نفس الأسئلة

    ليه يعني ما نحتفلش
    باليوم اللي بعده مثلًا

    و ليه عندنا هوس الأرقام
    10
    100
    1000
    يوم الميلاد

    ذكرى فضية
    ذهبية
    ماسية
    الخ
    الخ
    !

    ليه بنحتفل أصلًا!

    ما كل الأيام بتستحق أن يحتفى بها

    صح؟

    —–

    الله يرحم مريم
    ويصبر أهلها

    و يجعلها طير في الجنة

  2. الله برحمها
    المشكلة فالموت ليست اننا بنزعل ليه طالما كلنا هانموت
    بس فعلا الزعل بيبقى على الفراق
    على احلام كانت مبنية في خيالك ومستنية وقتها عشان تحقق
    وبموت الشخص دا
    انت مضطر غصب عنك انك تقتل كل الاحلام دي وبس تكتفي بالذكريات
    !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s