عن ” الإباحــيه ” أتحدث …

في الأول بصــــــــــراحة كنت فاكرة أن كلمة  ” الإباحــــه ” كلمة عيب  !! وبعدين طلعت الحكومــــــه ومصر كلهــــا على “الأبـــــــاحية” ..  يعني الحكومـــــــة بمفهومي 🙂 بتغلط في الشعــــــــب  !!  …  والموضوع طلع إن الحكومة عاوزة تحجب  المواقع الإباحيـــــة  بس بصراحة أنا مع كل دا مفهمتش هما عاوزين يقفلوا أيـــــه بالضبط ؟  لأن عندنـــــا ” مواقع ” كتير أصبحت إباحيــــة  وعلشان نشيل اللبس على القاراء هقول ليك حبـــــه أسماء من المواقع دي  🙂  يلا أكتب عندك  …………   الجامعات والمدارس المستشفيات الأمــــاكن العامة بكل أنواعها أممممممممم  عندك مثلاً التلفزيون المصري على بعضــه عندنا كمان ” فرن العيش ” أي مكــــان بتتباع فيه سلعة مدعمـــــه والله أحياناً ممكن تلاقيهـــــا في أماكن متخطرش على البال وزارات دا أنــــا بحس أنا في أشخاص بنفسهم عاوزين يتحجبوا ! ….  شكلك جالك إحباط يا عزيزي يعني أنت كنت فاكر هديك مواقع إباحية أكتر من كدا فين !!  المشكلـــــــه أن اللي حط القانون حدده جداً وقال مواقع إلكترونية ومحتوى نت ! .. يعني سابت كل ” الأباحة ” اللي حولينا ومسكت في النت  …  علشان أكون صادقة مع نفسي مفيش أنسان محترم هيكون ضد حجب المواقع دي لكن المشكلة أن مش دي القضية  !!  يعني عمرنا ما هنكون شعب محافظ لما نعمل كدا المصيبة أن كل البلاوي اللي في مجتمعنا وفاكرين أننا شعب محافظ !! وقال إيـــــه متدين !! طب أي واحد لو مشى في شارع من شوارعنا 5 دقايق والله هيضحك علينا وعلى مناظرنا  !!  التي لا توحي أن شباب وشابات هذا المجتمع على أي قدر من التدين !!   _   مش ملاحظين ان خطوط الموضة في مصر اليومين دول بقت بتزحف لفوق أوووي   _ يعني كمان من أهم مواقع الإباحية الشعب نفســــة   !!!   ………  أنا بقيت بحس أن كل قرارت الحكومـــــه مجرد ردود أفعــــــال  لا تمتلك أدني تخطيط .. يعني من وجه نظري المتواضعة كان ممكن نحل الموضوع دا بحملات مضادة هدفها ذيادة المحتوى العربي الهادف على النت مثلاً تشوف حاجة تشغل بيها الناس يا سيدي تشوف حاجة تجوز بيها الناس أي أتنين لو قعدوا هيطلعوا 15 حل للمشكلة دي  ..  كمان بقيت بحس أن مجتمعنــــــا العريق يسعى جاهداً لأن يكون مجتمع متدين  ” شكلياً  ” وسيبك بقى من أي جوهـــــر للعقيدة  !!  يعني مش عارفة هو أحنا لازم نقول أحنــــا هنطبق  ” الشريعة ” ؟ هو حد ماسك في حد ؟ المشكلة في رأي بردة المتواضع مش التطبيق بس ….  يعني أنا عشت في مجتماعات بطبق الشريعة بحذافير حذافيرهــــــا وفيها كم  ” أباحه ” موردش عندنا خالص 🙂 …  بصوا بقى علشان تبقى في السليم أمشي عدل ومش تتوقع أنك لما تدعم حزب سلفي هتكون منهم ” سلفي يعني ” أو لمـــــا تنزل في جمعة تطبيق الشريعة وتأيد قرار حجب المواقع هتكون ذمتك قدام ربنا تمام !!    …….   علشان نمنع أي صورة من الإباحية في مجتمعنـــــا لازم نبدأ بكل صورة بتقلل من إنسانيتنا علشان نحترم نفسنا وساعتها بس هنحترم معتقدات وقاونين الشريعــــه وهنبقى متدين قلبا وقالبـــــا  …  علشان كدا لازم الحكومة توسع معنى  ” مواقع ” في قانون حجب المواقع الإباحية

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s