أفكار سايحة !!

المسافة بين المنصورة ( محل إقامتي ) والمكان اللي بتسكن فية جدتي تقريبا ساعة ونص في أحسن الظروف ( مش بتحصل كتير ) بالعربيــــة  ,, المهم أن الوقت مفيد جدا لكل عمليات العصف الدهني  ,, يعني طول الطريق وأنا متملكني فكرة واحدة بس لية الأغاني الشعبي مقتصرة على سواقين الميكروباص ! ليه مثلا مفيش سواق ميكروباص عندة  ” مدونة ” !! فكرة سخيفة مني صح !  ,, طب لية كل ما أبعد عن المنصورة بيزداد الجهل ,, وكأن المركزية في كل حاجة حتى التعليم والثقافة ,, طبعا الوضع بيبقى أسوء لو بتبعد من القاهرة أو الأسكندرية

بتمنى أحيانا أني أمتلك الشجاعة علشان أتكلم مع كل اللي أقابلة أحكيلة عن كتاب قرأته أو أنصحة بأي شئ ممكن يحسن مستواه المعيشي بأي صورة ,, لكن بخاف من ردود الأقعال 😦 …

أحنــــا محتاجين نهضة عقول بشكل كبير محتاجين مراكز توعية شبابية وحملات ثقافية تتحرك برة المراكز والمدن ورش فنية ثقافية ,, بجد نفسي أركب ميكروباص و يكون الركاب ماسكين كتاب بيقرأوا فية بدل مضيعة الوقت وتقضية الوقت في الفرجة على وشوش بعض ! 🙂

لية حضور مسرحية و أخد كورس رسم بيعتبر ” فضــى ” ومضيعة للوقت لما بقول لحد من البلد ! ,, على فكرة انا مش بتكلم عن الأجيـــا ل الكبيرة بس وكمان قلة الثقافة مش مرتبطة إطلاقا بالحالة المادية ,, اللي أقصدة أن حتى بنات جيلي مثلا شايفين كدا ,, اللي مهتم بالثقافة بقى أهل المدن ! يعني المركزية في التفكير كمان !

………………

يعني دا اللي كان في بالي ساعتها نبطل سلبية ونبطل نستنى الحكومة تعمل حاجة …

Advertisements

تكنولوجيـــا العيال !

images

انـــا فاكرة كويس أول لاب توب بابا جابة ليـــا بعد ما نجحت في إعدادي هندســة بإمتياز في الترم الأول وفاكرة أول موبايل أشترية وأنا في نهايــة 3 ثانوي على أساس أنـــي بقيت جامعية وكدا  ,, بصراحة معرفش إيه اللي كان مخلي الموبايل ضروري ساعتها  !

بس الكمبيوتـــر دخل بيتنا وأنا في 6 إبتدائي وكان له تأثير كبير جدا جدا على توسيع مداركنا أنا وأخواتي وكمان أيامها مكنش في نت وأتوقع ان دا من حسن حظنـــا أيامها … على العموم من بعد أول لاب وانا أشتريت موبايلات ولاب تاني وتاب و ,,, كل حاجة لها علاقة من بعيد أو من قريب بكل حاجة

بس عصر الإنفتاح بتاعي على النت كان متأخر شويتين لأن أول حساب على الفيس بوك ليا وانا في تانية كلية وهكذا بقى 🙂 … الموضوع دا متزامن جدا مع قريبة ليا عندها 3 سنوات ومعاها اي باد 2  🙂 وأخواتها المغاعيص ! معدوش 15 سنة وعندهم حسابات على الفيس بوك ! وفريند بقى وهيصـــه 🙂 ,,,  تحس كدا ان الفيس بوك  بقى في حجات غريبة !

أعرف ناس أولادهم مكملوش العشر سنين ومش بيسيب البلاك بيري من أيده ! وعامل ذي السوسة مفيش حاجة مش فاهمهـــا

……………………………………………………………………………………………………………

اللي فات دا كان مقدمة صغيرة عن واقع أكيد شوفتة التكنولوجيـــا بكل صورها بقت في أيد  ” العيال ” مش دي المشكلة المشكلة أن الجزء السلبي بس من التكنولوجيا دي هو اللي بيطبق وبيستخدم ! وبدون أي رقابة من الأب والأم اللي فاكرين أن الأي باد في ايد طفل هيخلية لما يكبر يبقى زويل !!  ,,  أمهات كتير بتقول أنها جابت الكمبيوتر في البيت والنت مخصوص لأولدهـــا علشان تخلص من  ” الزن ” ومش عارفة أنهـــا دمرت أساس اولادها من البدايـــة

نسبة كبيرة جدا جدا من الموبايلات في مصر في أيد أطفال معدوش 15 سنة ! ونسبة أكبر منهم عندهم المقدرة يدخلوا النت بأي صورة من غير رقابة و المحتوى اﻷكبر للنت غير صالح لإستخدامهم إطلاقــــاً ,, معرفش حل صريح للموضوع دا غير أن يكون في ضبط من الأهالي يعني لو جبت كمبيوتر في البيت ممكن يكون في مكان واسع في البيت الام والأب يقدروا يعدوا ويشوفوا أبنهم بيشوف أية أو بيستخدمه أذاي يعني ميكنش في غرف النوم الخاصة .. ممكن الأم تفرض نمط معين من الأستخدام وأتوقع أن في برامج كتير بتقوم بدا  ,, مش لازم علشان نقول أننا متحضـــرين نجيب ﻷولدنـــا أجهـــز غالية لازم  نعلم أولادنـــا قيمة التكنولوجيـــا وأنها وسيلة مش غاية ! …. الموضوع دا أتكلم عن ناس كتير جدا يمكن مكنش ضفت جديد بكلامي بس فعلا الموضوع يستفز أي شخص ….

مقالة رائعـــة فعلا

Sailing through life بحر الحياة

ويه:  هذا المقال موجه فى المقام الأول لطلبة الدراسات العليا ولكن من الممكن أن يستفيد منه أى إنسان يسعى لهدف ما كحفظ القرآن أو الحصول على شهادة معينة أو إقامة مشروع ما.

كل ما عليك هو استبدال الرسالة بهدفك والمشرف بالمحفظ أو الممول أو صديق لك تجعله مراقب

mentor

لهدف

————————————————————————————————

سواء كنت فى بداية رسالتك أو فى منتصفها أو أوشكت على الانتهاء منها فلابد أن تقوم بخطة…هذه الخطة قد تكون مطلوبة منك فى الجامعة التى تدرس بها أو غير مطلوبة…وقد تعطى الجامعة خطة بخطوط عريضة ولكن تريد أن تقوم لنفسك بخطة تفصيلية…سأحاول هنا أن أساعدك على عمل هذه الخطة بشرح بعض أساسيات علم الإدارة والتخطيط

View original post 964 more words