ماذا علمتني أمي؟

هو دا سؤال ؟ ومين فينا متعلمش من أمه ؟ ,, أحب بس أنوه أن الكلام دا مش بمناسبة عيد الأم إطلاقاً .. بمناسبة أن أمي غابت عننا شهرين ونص والنهاردة إن شاء الله راجعة مصر تنور لينا بيتنا 🙂  بس أنا أكتشفت إني فعلا من غيري أمـــى مش بعرف أعيش ! المدة اللي فاتت كنت بخاف أقول كدا لأنهم كانوا بيقولوا عليا  ” عيلة ” وأن مينفعش أقول إني مش عارفة أعيش من غير ماما لأني ببساطة كبرت ! .. عارفين حتى لو بقى عندك 100 سنة هتفضل طفل محتاج أمك ! ومين فينا بيكبر في عين أمه ؟

أمي علمتني أحلم وأحقق و أتميز  ” ,, أمي علمتنى أحب القرأه من قبل حتى ما أعرف أكتب وأقرأ صح .. أمي الوحيدة اللي راهنت عليا وعلى نجاحي .. أمي علمتنى أحب و أبتسم ,,  أمي سهرت معايا وأنا في 3 إعدادي لبعد الفجر بتسمع ليا و بتذاكر جغرافيا  ! وسهرت معايا وأنا في إعدادي هندسة يوم إمتحان الكيمياء لغاية ما رجعت من الإمتحان مبسوطة 🙂 ويومها طبخت ليا فرخة مشوية ومحشي وخضار وكيك إحتفالاً بأول يوم إمتحانات في الكلية  ..  أمي عارفة أنا بحب لون إية وعارفة إني بحب الشنط فبتجيب ليا أي شنطة تشوفها 🙂 وعارفة إني بعشق الألوان فمن صغري كانت بتجيب ليا أغلى علب ألوان ,, أنا فاكرة يوم ما لفينا السوق كله علشان نجيب فرشة نرسم بيها فروع الشجر ! أمي اللي أحتفظت بكراسات الرسم بتاعتي من وسط كل الورق والكتب اللي كانت المفروض تترمى .. أمي اللي بتعمل ليا احلى كوباية شاي بلبن

أمي لما حبت تقول سر قالته ليا .. أمي قالت ليا إني ظهرها و أنا بنت لكنها بتعتبرني الراجل بتاعها … أمي اللي قالت ليا ” أنا بستقوى بيكي ” وهيا مش عارفة أنها قوتي الوحيدة .. امي اللي جابت ليا بنطلون وكوتشي 🙂 وعارفة مقاسي وراهنت  بابا أنهم يعجبوني 🙂 أمي اللي مش بتطبخ كشري مصري علشان أنا مش بحبة 🙂 وعمرها ما نست تسلق ليا جزرة في الشوربة علشان بحبها .. 🙂 أمي هو في حد بحلاوة أمي ؟ 🙂 … أنا فرحانة لدرجة لا توصف حاسة أن النهاردة فعلا عيد

…………………………………………………………………………………………………………………

شوفوا بقى إصحابي قالوا إية لما سألتهم أتعلمتوا إية من أمهاتكم 🙂

Screenshot from 2013-03-22 13:14:29

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s