#18

إن همومـــي مهما كانت كبيره في عنيا ممكن تكون صفحه في روايه هموم لحد تاني .. الحمد لله اولا واخيرا

 

#قواعد_سلمى_الأربعون #القاعده_18

#17

إتعلمت إن كل ما الدنيا تلخبط معايا أوى أضحك أكتر .. لدرجه إنها قلشت منى !

#مش_قاعده# قواعد_سلمى_الأربعون

هي مريم

المجزر عند سوبرماركت المهندس ؟

أركبي …

ما تركبي ؟!! ,,, لا أنا هركب ورا

تركب مريم التاكسي بجواري في الكرسي الخلفي وتقولي معلش هضيق عليكي قعدتك – بإبتسامه طفولية خجوله جدا

انا إكتفيت بالابتسام وقلت لها معلش مفيش مشكلة 🙂

سواق التاكسي وقف في محطة البنزين وبدأ الحوار بينا ..

أنا : هو أنتي بتخافي تركب جمب السواق يا مريم

مريم : ماما وبابا قالوا ليا متركبيش قدام خالص

أنا : شاطرة إسمعي كلامهم وحافظي على نفسك

مريم : أصل أنا جمبي بيوجعني اليومين دول مش عارفة لية

أنا : سلامتك إنتي في سنة إيه يا مريومة

مريم : أنا في سنة 3 إعدادي … عارفة أنا مش بركب تاكسي خالص وكل يوم بروح الدرس مشي ,, بس النهاردة راحت عليا نومة وملحقتش أخلص الطبيخ بدري فتأخرت !

أنا : إنتي اللي بتطبخي في البيت يا مريم ؟

مريم : أه انا اللي طبخت لهم النهاردة فراخ ورز والحمد لله 🙂

أنا : وماما بتساعدك ؟

مريم : لا ماما في الشغل طول النهار ولما بترحع بكون نمت فمش بشوفها كتير  .. أنا أمبارح راحت عليا نومة علشان سهرت للفجر علشان لما ترجع اقعد معاها واتكلم معاها ولما قعدت معاها شوية بعد الفجر قمت غسلت الهدوم ونمت اصلها بتيحي تعبانه

أنا : شاطرة ساعدي ماما بس خلي بالك من مذكرتك … انتي شاطرة ؟

مريم : لا أنا مش شاطرة في المدرسة أصل غصب عني مش بعرف أفكر ومش بعرف أذاكر الرياضة وأنا بحب أصحابي وهما مش بيحبوني

أنا : لية يا مريومة مع إنك ذي العسل وحلوة

مريم : أصل أنا أحيانا راسي بتوجعني فبشتمهم وبضربهم وانا مش بحس ومش باخد بالي ولما بفوق مش بكون عارفة عملت إية .. ماما ودتني عند شيوخ كتير وقالوا لها إن معمول ليا عمل و إني ملبوسة علشان كدا بيغمى عليا  !!

أنا : ومرحتيش للدكتور ؟

مريم : لا رحت علشان جمبي بيوجعني مش علشان راسي

……………………………………………………….

في اللحظة دي السواق يقرر إنه يدخل التاكسي وهي توقف الكلام وتسكت تماما .. كان بيتي قرب ونزلت وهي قالت ليا إنها مبسوطة إنها قابلتنى وانا قلت لها خلي بالك من نفسك وطلبت من السواق مش يحاسبها ولما دفعت أجرتها ضحكت اووووي وقالت ليا شكرا يا سلمى  ,,

وانا من يوم ما قابلتها وانا بعيط 😦 كان نفسي أعمل أي حاجة لها بس معرفتش نفسي اشوفها تاني واساعدها بجد بس مش عارفة اوصل لها ..  .. رغم كم الفقر والحهل اللي مريم عايشة فية إلا إنها فضلت تتضحك طول ما بتتكلم وكانت حريصة إني أسمعها .. حستها طبطبت على قلبي من غير ما تحس وهي مكنتش عاوزة غير اني اقول لها إية الضحكة الحلوة دي يا مريم 🙂

#16

لم نُخلق على كمال ولم نُحلق سوا لنبحث عنه ولن نجده في الدنيـــا ..
كمالنا يزداد مع أخطاءنــــا وحين نتوب نقترب منه ,,
فاقترب وأحذر أن تعتقد يومـــاً أنك على صواب ..

إبتسم وإرتكب من الحماقات ما يجعلك تحيــــا

من أهم ‫#‏قواعد_سلمى_الأربعون‬ 

🙂

#15

بصي قدامك  متبصيش على الارض !

– علشان لو ركبت عجله 🙂

قواعد_سلمى_الأربعون #القاعدة_15  !

 

رحلة الــ 14 كيلو و 1500 سلمة ..

#سانت_كاترين  #جبل_الطور  #جبل_موسى  #

#14

عريان !! أحسن بكتير من توب مش مقاسك

قواعد_سلمى_الأربعون #القاعدة_14  !

#13

المبادئ قيد إحترامهـــا هو كامل الحرية ,,,

#قواعد_سلمى_الأربعون  #القاعدة_13

#12

علشان تتعلم حاجة علمهــــا للناس ,,
علشان تبقى مبسوط حاول تسعد حد ,,
علشان تلاقي الحب ,, لازم تعرف تحب كل الناس
وأنت بتدعي قول يارب أنا والبشر أجمعين ,,

العلم والسعادة والحب علشان تلاقيهم لازم تديهم !!

#قواعد_سلمى_الأربعون  #القاعدة_12

–

عدينا النهاردة من جمب المديرية ” مكان التفجيرات ” ,, والجدير بالذكر إنه كان أشبه بمولد على خلفية مبنى واقع !! بس كدا ..
الناس بتتمشى وبتصور وبتأزز لب و في ناس بتبيع اعلام وصور للسيسي !!
وفي عائلات هناك وناس بتبيع بليلة !!
بصوا المكان هناك رائع فعلا و مناسب للتنزة
وفي شوية بنات لطيفة واقفين يهتفوا الموت للأخوان !
يعني الجو هناك يخليك تحس بحاجة مش عارفة أوصفهـــا
على خلفية 13 ماتوا واكتر من 130 اتصابو في ناس بتبيع عسلية !!

‫#‏المصري_اللي_على_حق‬ ‫#‏ميقولش_للسبوبة_لا‬ !!

في أن تفارق شخصـــاً لا تعرفه !!

حين تدرك أن الكثيـــــر في هذا العالم خُلق لكي تتقبله هكذا دون أن يوجد مرادفات له  ,, أن الحضور والغياب لم يكونا يوماً ضدين ! ,, و أن كل شئ خُلق ليُنســـى ,, أن الحيــاة والموت ليسوا سوى مراحــــل و أن للموت تعريفاَ أخر أكثر لطفاَ هو حياة بعد حيـــاة وأن الجزء الأقسى فيه هو أننا لا ننتقل في ذات الوقت لتلك الحيــــاة  ,,

اليوم مات أكثــــر من 13 شخص في إنفجارات المنصورة واليوم أيضاُ ماتت جدتي لأبي ,, لا يوجد شئ مشترك يجعلني أذكر ضحايا إنفجارات المنصورة في كلامــــي عن وفاتها سوا إن كلاهمــــا لا أملك ما أخبركم عنه .. ما يؤلمنـــي أكثر من فقدها أني لا أملك ما أتذكرهـــا به .. لا كلمات ولا قصص ولا أسرار !! لا شئ أخصها به ..

لم يكن أبي يومـــاً عاقاً لها كان من أشد الناس براً بهـــا ,, كان الشخص الوحيد الذي بكى كالأطفال يوم مرضهــــا كان يتألم لها ,, يجلس بجوارهـــا مداعباً لها ,, يدلك قدمهـــا بحنان ويطلب من الله أن يطيل عمرهـــا ويشفيها  لم يكن من المسموح لنـــا زيارتها لأنهـــا تسكن في بيت عمى أقسي البشر قلباً !! وأسوئهم طبعاً لم يكن مرحباً بنـــا في بيته .. بل لم يكن مسموحـــاً في الأساس زيارته .. كان أبي فقط من يزورهــــا ويرسل لنا ولها السلام .. كلامــــي هذا يكرهه أبي ودائما يمنعني أن أتحدث بسوء عنه لكنـــي أكرهه ولا أتمنى في يومـــا ً أن يتغير شعوري له ,, لا أدري لما رفضت أن تترك بيتهــــا عنده و تأتي لتقيم معنا ,, ومع الأيام أصبح المرض مجبراً لها على البقاء هنـــاك .. حتى حين أقام أبي لها منزلاً لتكون حرة من أفعال عمـــى أستطاع هو بكل قسوة أن يبيع بيتاً لا يملكـــة وحين أتذكر أحمد الله أنه لم يتركها في الشارع بل أعادهــــا لغرفتها في منزله … قبل عمي على نفســـة مالاً حرام ,, أبي قال أنه سامحه يوم طلبت منه جدتي ذلك وعن نفسي لن أسامحة ما عشت قط ..

لم أجتمع بجدتي منذ أكثر من 7 سنوات  😦 واليوم لا أتذكر لهـــــا سوى أنها قرأت على رأسي القرأن يوم رأتنى وأمرتني بالأنصراف سريعا قبل أن يأتي عمى من العمل !! فقط لا أتذكر سوى أنها أطعمتنى بطيخ ! وأخبرتني أنها سترسل دعواتها لي في الصلاة ..

لم أكـــن اعرف أني أحبهـــا ما يؤلمني أني سأتذكرهــــا و سأتذكر فقط أني لم أكن أستطيع أن أراهــــا  ,, جدتي تدعـــى ” سكينة ” ولقد كانت كذلك ..

#11

مش محتاجين بطاطين علشان الدفـــــا ,, دفا القلوب وكفــــا

#مش_قاعدة_أوي

#قواعد_سلمى_الأربعون #القاعدة_11

#شربات #ملونة #…

#شربات #ملونة #مجات #فيروز #مناديل #أطسوووو #مناديل #مناخير منفوخة !!! 🙂 #شوكلاتة #بطانية وكمان #بطانية و #كوفرتة ,,
شوية #كلام # وكثير من #الحب ..
#طرطشة #عربيات #طين #زحمة #تنطيط #أمل #أحلام #إبتسامات #أطسسووو ##وقعت في المية 🙂

الشتــــا لوحده يكفي أن يكون حياة !! #أستمتعوا #أطسووو 🙂 !!

عن التحرش فى كندا

Sailing through life بحر الحياة

من يومين أرسل أمن جامعة كالجرى -حيث أدرس- ايميل لكل شخص فى الجامعة فيه تحذير بشأن واقعة تحرش جنسي
ملخض القصة أن بنت كانت تركن سيارتها فجاء أحدهم وركن سيارته بجوارها وأخذ يحملق فيها خرجت البنت من سيارتها ومشيت فى الطريق فسار بالسيارة بجوارها وشاهدته وهو يمارس العادة السرية علانية وأخذ يتوجه لها بكلام جنسى (لم يلمسها).. البنت جرت على حرس الجامعة وقامت بعمل روبرت وأرسلوا لنا هذا الايميل بمواصفات الشخص ومواصفات سيارته واتضح أن هذا الفعل عقوبته فى القانون الكندي ممكن توصل لسنتين سجن وتزيد العقوبة إذا زاد سن الشخص عن 16 سنة

View original post 441 more words

#10

لا تــــأمل ,, لا تبوح !! ,, وتعلم الصبر ..
#قواعد_سلمى_الأربعون – القاعدة العاشرة  !